Banda­ríski þingmaður­inn Earl „Buddy“ Cart­er frá Georgíu kynnti í gær frum­varp sem veit­ir Don­ald Trump for­seta Banda­ríkj­anna heim­ild til að ganga frá samn­ing­um um kaup Banda­ríkj­anna á Græn­landi. Frum­varpið ger­ir einnig ráð fyr­ir að Græn­land verði fram­veg­is þekkt sem Rauð-, hvít- og blá­land (e. Red, White and Blu­e­land).

Frum­varpið sem Cart­er hef­ur nefnt á ensku „Red, White, and Blu­e­land Act of 2025“ veit­ir Trump umboð til að hefja samn­ingaviðræður við Dan­mörku um að „kaupa eða með öðrum hætti eign­ast Græn­land“.

Verði frum­varpið að lög­um virðast, miðað við orðalag frum­varps­ins, all­ar al­rík­is­stofn­an­ir þar vestra skyld­ar til að breyta nafni Græn­lands á öll­um kort­um og í op­in­ber­um gögn­um í Rauð-, hvít- og blá­land ekki seinna en 180 dög­um eft­ir samþykkt frum­varps­ins.

Frjáls­asta þjóð nokkru sinni

„Am­er­íka er mætt aft­ur og verður brátt stærri en nokkru sinni fyrr með því að bæta við Rauð-, hvít- og blálandi. Trump for­seti hef­ur rétti­lega skil­greint kaup­in á því sem nú er Græn­land sem for­gangs­verk­efni í þágu þjóðarör­ygg­is, og við mun­um með stolti bjóða fólk þess vel­komið að ganga til liðs við frjáls­ustu þjóð sem nokk­urn tíma hef­ur verið til þegar aðal­samn­ingamaður okk­ar land­ar þess­um stór­kost­lega samn­ingi,“ seg­ir Cart­er í yf­ir­lýs­ingu á vef sín­um.

Frétt af mbl.is

Græn­lend­ing­ar vísa Trump á bug

Hvorki Græn­lend­ing­ar sjálf­ir né Dan­ir hafa tekið vel í hug­mynd­ir Trumps um kaup á Græn­landi, en spurn­ing er hvort hin nýja nafn­gift geri boð banda­rískra yf­ir­valda meira aðlaðandi.

Þetta yrði ekki fyrsta alþjóðlega viður­kennda nafnið sem banda­rísk yf­ir­völd hafa breytt, en stutt er frá því Trump und­ir­ritaði til­skip­un þess efn­is að Mexí­kóflói skyldi fram­veg­is vera þekkt­ur sem Am­er­íkuflói.

Frétt af mbl.is

Segja fló­ann nú Am­er­íkuflóa