Steinsnar frá Borgarnesi er gullfallegur bústaður til leigu. Bústaðurinn er málaður í svörtum lit, gluggakarmarnir eru hvítir og útsýnið er hið glæsilegasta yfir sjóinn. Rut Káradóttir hannaði húsið sem er til leigu á AirBnb.

Frétt af mbl.is

Sumarhús Rutar Káradóttur

Blái liturinn er ríkjandi inni í húsinu og hlýleikinn umvefur allt. Í húsinu eru tvö svefnherbergi sem rúma fjóra gesti. Húsið er staðsett undir Hafnarfjalli þar sem vanalega er mjög hvasst en það er ekki raunin þegar farið er nær sjónum.

„Það er mjög hvasst und­ir Hafn­ar­fjalli en við feng­um að draga bú­staðinn nær sjón­um þannig að hann er svona und­ir hálf­gerðu barri. Þannig að það er ekki eins hvasst þar,“ sagði Rut í viðtali um bústaðinn í Smartlandi árið 2017.

Bústaðurinn vakti heimsathygli og birtist umfjöllun um hann í þýska hönnunartímaritinu AD.

Það hefur verið hugsað um hvert einasta smáatriði. Skjáskot/AirBnb

Blái liturinn er ríkjandi. Skjáskot/AirBnb

Eldhúsið er nógu stórt fyrir þá sem vilja elda góðan mat og mikil stemning getur myndast við matarborðið. Skjáskot/AirBnb

Það má alveg gleyma sér þarna. Skjáskot/AirBnb

Brúnn Chesterfield-sófi er í stofunni. Skjáskot/AirBnb

Fjölskyldan getur varið mörgum stundum þarna. Skjáskot/AirBnb

Guðdómlegar flísar og frístandandi baðkar. Skjáskot/AirBnb