Íslenska ný­sköp­un­ar­fyr­ir­tækið Green­Fish hef­ur hafið sam­starf við eitt af stærstu út­gerðarfyr­ir­tækj­um Banda­ríkj­anna, American Sea­foods. Fel­ur sam­starfið í sér að fé­lög­in vinni að þróun veiðispálík­ana fyr­ir flota banda­rísku út­gerðina.

Green­Fish nýt­ir gervi­greind­ar­líkön sem keyrð eru á of­ur­tölv­um með gervi­hnatta­gögn­um til að gera spá átta daga fram í tím­ann um staðsetn­ingu afla, magn, gæði og afla­sam­setn­ingu á haf­korti.

Veiðispá Green­Fish. Hita­kortið sýn­ir hvar lík­ur eru á að finna mak­ríl sam­kvæmt líkani Green­Fish, þar sem rautt tákn­ar mest­ar lík­ur. Rauðu punkt­arn­ir sýna hvar mak­ríll var veidd­ur í reynd.

American Sea­foods ger­ir út sjö frysti­tog­ara frá norðvest­ur­strönd Banda­ríkj­anna og veiða aðallega ala­skaufsa, kyrra­hafs­lýs­ing og kyrra­hafsþorsk. Árleg­ur afli American Sea­foods er rúm­lega 300 þúsund tonn.

Bald­ur S. Blön­dal, lög­fræðing­ur og meðeig­andi Green­Fish, seg­ir ánægju­legt að geta greint frá sam­starf­inu.

„Við höf­um fundið fyr­ir mikl­um áhuga á lausn­um okk­ar og fengið fyr­ir­spurn­ir frá út­gerðum á hinum ýmsu hafsvæðum. Við hlökk­um til að vinna áfram náið með American Sea­foods og þeirra góða teymi,“ seg­ir Bald­ur.