Sala á hlut ríkisins í Íslandsbanka | 17. febrúar 2025
Hlutabréf bankanna hækka eftir samrunahugmyndir
Hlutabréfaverð bæði Arion banka og Íslandsbanka hafa hækkað í fyrstu viðskiptum í morgun, en eftir lokun markaða á föstudaginn var bæði tilkynnt um áform ríkisstjórnarinnar að selja eignarhlut ríkisins í Íslandsbanka, 42,5% hlutabréfa bankans, „á næstu misserum“ og að stjórn Arion banka hefði hug á að sameinast Íslandsbanka.
Hlutabréf bankanna hækka eftir samrunahugmyndir
Sala á hlut ríkisins í Íslandsbanka | 17. febrúar 2025
Setja bókamerki
Hlutabréfaverð bæði Arion banka og Íslandsbanka hafa hækkað í fyrstu viðskiptum í morgun, en eftir lokun markaða á föstudaginn var bæði tilkynnt um áform ríkisstjórnarinnar að selja eignarhlut ríkisins í Íslandsbanka, 42,5% hlutabréfa bankans, „á næstu misserum“ og að stjórn Arion banka hefði hug á að sameinast Íslandsbanka.
Hlutabréfaverð bæði Arion banka og Íslandsbanka hafa hækkað í fyrstu viðskiptum í morgun, en eftir lokun markaða á föstudaginn var bæði tilkynnt um áform ríkisstjórnarinnar að selja eignarhlut ríkisins í Íslandsbanka, 42,5% hlutabréfa bankans, „á næstu misserum“ og að stjórn Arion banka hefði hug á að sameinast Íslandsbanka.
Hlutabréf Arion banka hafa hækkað um 1,75% í samtals 1,7 milljarða viðskiptum, en bréf Íslandsbanka höfðu hækkað nokkuð meira, eða um 3,17% í 398 milljón króna viðskiptum.
/frimg/1/29/70/1297015.jpg)
Kæmi Gylfa á óvart
Talsverð umræða hefur orðið um sameiningahugmyndirnar. Stjórn Arion banka telur að á næstu tíu árum geti samlegðaráhrif af samruna numið um 50 milljörðum fyrir neytendur, en tekið er fram að bankinn sé tilbúinn að vinna náið með Samkeppniseftirlitinu til að tryggja að þessir fimm milljarðar árlega skili sér til neytenda.
Gylfi Magnússon, fyrrverandi fjármálaráðherra og prófessor í hagfræði við Háskóla Íslands, sagði um helgina að það kæmi sér mjög á óvart ef eftirlitið samþykkti samrunann.
Arna Lára Jónsdóttir, formaður efnahags- og viðskiptanefndar og þingmaður Samfylkingarinnar, sagði að hún yrði pínulítið tortryggin þegar rætt yrði um svona samruna og hverju hann eigi að skila og hefði efasemdir um að ávinningurinn myndi rata í vasa neytenda.
Umræðan þarf að klárast
Nanna Margrétar Gunnlaugsdóttir, þingmaður Miðflokksins og varaformaður efnahags- og viðskiptanefndar, sagði þá líklegt að fresta þyrfti frumvarpi um söluna á hlut ríkisins í bankanum vegna málsins.
„Við erum ekki fara selja bankann ef rétt reynist að þetta skili verulegri hagræðingu og þar af leiðandi kannski hærra verði fyrir bréfin. Þessi umræða þarf að klárast áður en tekin er ákvörðun um að hefja söluferlið. Í öðru lagi blasir líka við að það er allskostar óvíst að Samkeppniseftirlitið heimili samrunann,“ sagði Nanna Margrét í samtali við mbl.is um helgina.
/frimg/1/29/70/1297015.jpg)
