Bandaríski fatahönnuðurinn Vera Wang sýndi og sannaði að aldur er bara tala þegar hún gekk rauða dregilinn á Bafta-verðlaunahátíðinni (e. British Academy Film Awards) í Lundúnum á sunnudagskvöldið.

Wang, sem er 75 ára, lítur ekki út fyrir að hafa elst undanfarna áratugi og segir enga töfralausn liggja að baki unglegu útliti hennar, nema þá kannski ást hennar á skyndibitamat.

Fatahönnuðurinn er mikill aðdáandi McDonalds-hamborgara og sultufylltra kleinuhringja á Dunkin’ Donuts, sem við Íslendingar fengum að kynnast um stund hér um árið.

Frétt af mbl.is

Lítur ekki út fyrir að vera degi eldri en 25 ára

Frétt af mbl.is

Lykillinn að unglegu útliti Veru Wang

Wang skein skært á rauða dreglinum í glæsilegri hönnun úr eigin safni. Hún klæddist tvílituðu, gólfsíðu pilsi, brjóstatopp í stíl og sýndi stolt magavöðvana. Wang fullkomnaði útlitið með „oversized“ leðurjakka, töff sólgleraugum og skartaði einnig glænýrri klippingu sem setti punktinn yfir i-ið.

Wang deildi skemmtilegum myndum frá galakvöldinu á Instagram-síðu sinni og ef marka má athugasemdir við færsluna voru fylgjendur hennar ansi hrifnir af fatavalinu.