Sunnudaginn 23. febrúar næstkomandi er konudagur og þá er lag að gleðja konurnar í þínu lífi. Það er hægt að gleðja konurnar með margvíslegum hætti og tjá ástina með upplifun, gjöfum eða glaðningi sem er á óskalistanum hjá ykkar konum.

Sagan bak við blómin

Til að rifja upp söguna og tilurð konudagsins þá er hann fyrsti dagur fornnorræna mánaðarins góu, sem er sunnudagurinn í átjándu viku vetrar á milli 18. og 24. febrúar. Á Íslandi höfum við haldið upp á konudaginn í áratugi og er hann einn af þjóðlegum tyllidögum okkar líkt og bóndadagur. Sú hefð sem hefur skapast að menn gefi konum blóm í tilefni konudagsins virðist hafa hafist um miðjan sjötta áratug síðustu aldar en þá tóku blómasalar að auglýsa konudagsblóm eins og fram kemur í heimildum eins og á Wikipedia.

Skemmtilegt er að geta þess að Þórður á Sæbóli í Kópavogi mun hafa verið upphafsmaður þess en fyrsta blaðaauglýsingin sem hefur fundist frá Félagi garðyrkjubænda og blómaverslana er frá árinu 1957.

Margt er hægt að gera til að gleðja konurnar

Margt hefur bæst við listann síðan þá til gleðja konurnar á þessum degi. Til að mynda er Landssamband bakarameistara ávallt með Köku ársins í góunni og frumsýnir hana fyrir konudaginn. Fjölmargir veitingastaðir bjóða upp á rómantískan matseðil og lífsstílsverslanir fallega hluti fyrir fagurkerann, svo fátt sé nefnt.

Það er hægt að gleðja konurnar gegnum magann og þá er margt í boði sem gleður augu og munn. Matur er mannsins megin eins og máltækið segir og hvað er huggulegra en að snæða saman rómantíska máltíð, njóta krása eða borða fallegan eftirrétt við kertaljós?

Hér fyrir neðan er að finna nokkrar góðar hugmyndir til að gleðja ástina þína gegnum munn, maga og augu

Færðu konunni ómótstæðilegan eftirrétt

Gulli Arnar bakari er þekktur fyrir sína gómsætu og fallegu eftirrétti og í tilefni konudagsins er hann búinn að galdra fram eftirrétti fyrir konuna. Bakaríið hans heitir einfaldlega Gulli Arnar og er í Flatahrauni í Hafnarfirði.

Bjóddu konunni upp á Köku ársins

Landssamband bakarameistara kynnti til leiks Köku ársins í dag í tilefni konudagsins sem er af betri. Kakan í ár er með frönskum súkkulaðibotni, rjómaostafrómas með bananabragði ásamt piparmyntu-ganache, hjúpuðu mjólkursúkkulaði og mun gleðja bragðlaukana hjá konunni í þínu lífi.

Töfraðu fram rómantískt kvöldverð heima við kertaljós

Hvernig væri að matreiða rómantískan kvöldverð fyrir konuna? Helstu kjötverslanir landsins bjóða upp á glæsilegt úrval af steikum og ljúffengu meðlæti sem hægt er að velja úr og töfra fram kvöldverð án mikillar fyrirhafnar. Vert er að leggja fallega á borð, setja fram frumlegan blómvönd og kveikja á kertum og njóta.

Bjóddu konunni í dekurstund og kampavín

Hvernig væri að fagna deginum með konunni á Edition-hótelinu við höfnina? Þvílíkur unaður að njóta þess að eiga nærandi og góða stund í góðu spa og fá búbblur í glas. Síðan er hægt að fara á veitingastaðinn Tides og gleðja bragðlaukana.

Hvernig væri að færa konunni ljúffengt kampavín í gjafaöskju?

Kampavínsfjelagið hefur sett saman gjafaöskju með kampavíni og glösum sem er falleg gjöf handa konunni í þínu lífi ef hún elskar kampavín. Hægt er að finna Kampavínfjelagið á samfélagsmiðlum eins og Instagram.

Gullfalleg kælifata með gylltum höldum fyrir konuna

Þegar veislu skal halda eða bara bjóða konunni upp á rómantískt kvöld er gaman að eiga fallega kælifötu. Í henni er hægt að kæla uppáhaldsdrykki konunnar, hvort sem það er kampavín, óáfengt eða áfengt eða sódavatnið. Kælifatan er úr þykku plasti með gylltum höldum og er einstaklega falleg á borði. Þessi fæst í Bako Verslunartækni.

Morgunverðargjöf fyrir þína

Sælkeravörurnar frá Gridelli hafa slegið í gegn og má til að mynda nefna ljúffenga Pistasíusmjörið þeirra sem hentar afar vel til að útbúa súkkulaðið sem er á allra vörum í dag, Dubai Chocolate. Það er eitthvað sem gæti gladd súkkulaðihjarta konunnar. Einnig passar það syndsamlega vel með nýbökuðu croissant eða ofan á brauð ársinssem er sælkerabrauð. Pistasíusmjörið frá Gridelli fæst í lífsstílversluninni Epal.

Marmaraplattar sem fanga augað fyrir þína konu

Ef konan þín er mikill fagurkeri og elskar að vera með fallega hluti sem hafa notagildi í eldhúsinu eru þessir plattar nýjasta æðið. Þeir eru að bætast við viðarbrettagleðina sem hefur verið við völd í dágóðan tíma. Þetta eru Offcut-plattarnir sem eru unnir úr marmara sem fellur til í alls kyns framleiðslu og öðlast þannig nýjan tilgang á heimilum fólks. Plattarnir koma í 3 stærðum og 4 litum og eru frá íslenska merkinu Fólk Reykjavík. Þeir fást í lífsstílversluninni Kokku á Laugaveginum.

Bleikur bolli fyrir hana er falleg gjöf

Fallegir bollar lífga upp á alla daga og geta gert góðan dag betri. Þessi bolla úr Steelite Craft-stellinu er einstaklega falleg í bleikum lit sem ber heitið Raspherry. Craft-línan er brennd við mikinn hita sem gerir postulínið sterkara og gefur fallega glansáferð. Þessir fást í Bako Verslunartækni.

Allt í kokteilinn fyrir þig

Ef þig langar að fara alla leið og gleðja þína með ljúffengum kokteil í fallegu glasi er málið að fá ná sér í kokteilaglös frá Frederik Bagger, kokteilaáhaldabók frá Printworks og toppa síðan gleðina með því að bjóða henni upp á heimagerðan kokteil sem gerður er með lífræna gæðasírópinu frá Bacanha. Allt þetta fæst í lífsstílsversluninni Epal.