Samstæða Síldarvinnslunnar greiddi samanlagt 1.319 milljónir í veiðigjöld á síðasta ári og greiddi þar af leiðandi meira í veiðigjöld en nokkur önnur samstæða á landinu. Samstæða Brims fylgir á eftir með 1.195 milljónir, en samanlagt greiddu þessar samstæður um 23% af innheimtum veiðigjöldum á síðasta ári. 

Fjallað var um það fyrr í mánuðinum að Brim hafi verið sú útgerð sem greiddi mest í veiðigjald og Samherji sú sem greiddi næst mest, en sem fyrr segir verður myndin nokkuð önnur er tekið er tillit til samstæðna sem ná til fleiri útgerða.

Frétt af mbl.is

Brim og Samherji greiddu 19% veiðgjalda

Þær sex samstæður sem greiddu mest í veiðigjöld greiddu samanlagt tæplega 5,1 milljarð króna sem er nánast helmingur allra innheimtra veiðigjalda á síðasta ári, en alls innheimtust 10,8 milljarðar vegna þessarar álagningar.