Það er alltaf mikið um að vera á samfélagsmiðlinum TikTok og Íslendingar eru duglegir að setja inn skemmtilegt efni, þar sem skemmtileg grín, óvæntar uppákomur, ferðalög og hversdagslíf halda áhorf­end­um við efnið. Hér fyrir neðan er stutt yfirlit yfir það helsta sem hefur vakið athygli í vikunni.

Ein vinsælasta TikTok-stjarna heims á Íslandi

Birta Númadóttir, sem starfar í fataverslun í Reykjavík, var að eiga hefðbundinn vinnudag þegar heimsfræga samfélagsmiðlastjarnan Addison Rae birtist óvænt í versluninni. Addison Rae er fimmta vinsælasta TikTok-stjarnan í heiminum, með um 88,5 milljónir fylgjenda. Birta lýsir því að hafa fengið hjartsláttartruflanir við að sjá hana í versluninni.

Birnir gefur innsýn í tónlistarheiminn

Tónlistamaðurinn Birnir Sigurðarson leyfir fylgjendum sínum að fylgja sér á gigg og gefur þeim um leið innsýn í tónlistarheiminn.

Foreldrafrí í Amsterdam

Neitaði fjögurra ára barni um aðgang að salerninu

Kynlífsfræðingurinn og hlaðvarpsstjórnandinn Sara Lind deildi TikTok-myndbandi í vikunni þar sem hún segir frá óskemmtilegri reynslu sem hún varð fyrir í verslun, ásamt fjögurra ára dóttur sinni. Dóttur hennar var neitað um aðgang að salerninu, þrátt fyrir að það hafi verið mjög brýnt, sem vakti mikla umræðu í athugasemdum.

Grætur yfir fallegum skilaboðum

Tónlistarmaðurinn Júlí Heiðar deilir myndbandi af kærustu sinni, Þórdísi Björk, þar sem hún brestur í grát við að lesa öll fallegu skilaboðin sem þau hafa hlotið eftir að hafa komist áfram í Söngvakeppninni.

Læknanemi í Kaupmannahöfn

Jóel Þór er læknanemi í Kaupmannahöfn í Danmörku og sýnir frá því hvernig hefðbundinn dagur hjá honum lítur út.

Ung og efnileg listakona hér á ferð!

Unnur María Matthíasdóttir, ung listakona, sýnir listaverkið sitt, sem hefur vakið mikla athygli fyrir fegurð sína.