Í tilefni af nýju og spennandi samstarfi sameinuðu íslenska húðvörumerkið BioEffect og The Spa á Edition-hótelinu í Reykjavík krafta sína og buðu í einstakt dekur á heilsulind hótelsins. En BioEffect og The Spa hafa þróað sérsniðnar andlitsmeðferðir með byltingarkenndum vörum íslenska húðvörumerkisins.

Til að fagna þessari nýjung var haldið sérstakt Valentínusardekur þar sem gestir voru leiddir í gegnum djúpslakandi tónheilun með Völu Sólrúnu Gestsdóttur ásamt því að upplifa einstaka BioEffect-andlitsmeðferð sem endurnærir húðina og gefur henni djúpan raka.

„Við erum stolt að vera samstarfsaðili BioEffect og bjóða gestum okkar og nágrönnum aðstöðu til að dekra við sig með einstökum húðvörum þeirra,“ segir Ninna Hafliðadóttir, markaðs- og upplýsingastjóri Edition-hótelsins í Reykjavík.