Barnsmóðir bandaríska rokkarans Dave Grohl hefur nú gefið sig fram opinberlega.  

Konan, sem heitir Jennifer Young og er 38 ára gömul, ræddi stuttlega við blaðamann New York Post nú á dögunum og viðurkenndi að hún hefði átt í stuttu ástarsambandi við forsprakka rokkhljómsveitarinnar Foo Fighters á síðasta ári og orðið ólétt.

Young fæddi dóttur þann 1. ágúst síðastliðinn.

Hún tjáði sig ekkert um þátttöku Grohl í lífi barnsins.

Frétt af mbl.is

Dave Grohl tilkynnir dóttur utan hjónabands

Greindi frá fæðingu dóttur sinnar á Instagram

Grohl, sem er 56 ára, greindi frá fæðingu dóttur sinnar á Instagram í september, fimm vikum eftir að hún kom í heiminn.

„Ég hef ný­lega eign­ast dótt­ur utan hjóna­bands míns. Ég ætla að vera gott for­eldri fyr­ir hana og sýna henni um­hyggju. Ég elska kon­una mína og börn­in mín og reyni nú að gera allt sem ég get til að vinna til baka traust þeirra og fyr­ir­gefn­ingu,” skrifaði Grohl í færslunni.

Grohl á þrjár dætur á aldursbilinu 10 til 18 ára með eiginkonu sinni til 22 ára, Jordyn Blum.