Dóttir Ben Afflecks, Violet, hefur ákveðið að slíta samskiptum við fyrrverandi stjúpmóður sína Jennifer Lopez. Dótturinni sem er 19 ára líður eins og Lopez sé að nota hana sem peð í hjónaskilnaði Lopez við Affleck. Þetta kemur fram í umfjöllun Daily Mail.

Fram til þessa hefur ríkt gott samband á milli Violet og Lopez og þær varið sumarfríum saman. Núna hefur hins vegar runnið á hana tvær grímur og hana grunar Lopez vera að halda henni nærri til þess að halda í Affleck.

Jennifer Garner sem er móðir Violet Afflecks fannst samskipti þeirra sérstök en ákvað að styðja þær enda setur hún alltaf hagsmuni barnanna ofar öllu. En svo ákvað Violet að slíta þessum samskiptum því skilnaðurinn tók mjög á pabba hennar, Ben Affleck.

„Skilnaðurinn var orðinn að fjölmiðlafári sem reyndi mjög á Affleck. Hann tjáði sig hins vegar aldrei um Lopez. Violet er mjög gáfuð og mikil pabbastelpa. Þetta er ástæða þess að hún sést ekki lengur með Lopez,“ segir heimildarmaður.

Jennifer Garner og Violet Affleck. AFP