Mokkabollur

12 stykki

Vatnsdeigsbollur

• 200 g hveiti
• 1 tsk. lyftiduft
• ¼ tsk. salt
• 3 egg (160 g)
• 180 g smjör
• 360 ml vatn

Aðferð:

1. Hitið ofninn í 180°C og klæðið tvær ofnplötur með bökunarpappír.
2. Blandið hveiti, lyftidufti og salti saman í skál og geymið.
3. Pískið og vigtið eggin í skál og geymið.
4. Bræðið smjörið í potti og hellið vatninu saman við, hrærið saman þar til fer að sjóða og smjörið er bráðið.
5. Slökkvið þá á hellunni og blandið hveitiblöndunni saman við svo úr verði nokkurs konar smjörbolla.
6. Færið blönduna yfir í hrærivélarskálina og hrærið með K-inu á lágum hraða þar til mesti hitinn er farinn úr deiginu.
7. Bætið þá eggjunum saman við í nokkrum skömmtum og blandið saman.
8. Notið stóra ísskeið eða vel kúfaða matskeið til þess að móta bollurnar og bakið síðan í um 35 mínútur eða þar til þær verða vel gylltar. Alls ekki opna ofninn samt fyrr en í fyrsta lagi að 25 mínútunum liðnum.
9. Kælið síðan áður en þið fyllið og skreytið.

Mokkafylling

• 1 pk Royal búðingsduft með mokkabragði
• 200 ml mjólk
• 50 ml rjómi (óþeyttur)
• 350 ml rjómi (léttþeyttur)

Aðferð:

1. Hellið mjólk og 50 ml af rjóma í skál og pískið búðingsduftið saman við.
2. Kælið í um 10 mínútur og hrærið að minnsta kosti einu sinni í blöndunni á meðan hún er í kælinum.
3. Vefjið næst léttþeytta rjómanum saman við búðinginn með sleikju
4. Fyllið bollurnar með mokkablöndunni og skreytið síðan.

Samsetning og skreyting

• 80 g dökkt súkkulaði
• Flórsykur

Aðferð:

1. Bræðið súkkulaðið og „drisslið“ smá yfir lokið á hverri bollu.
2. Leyfið súkkulaðinu að taka sig áður en þið sigtið örlítinn flórsykur yfir bollurnar.