Queer Eye-stjarnan Jonathan Van Ness hefur misst hátt í 30 kíló með hjálp blóðsykurs- og þyngdarstjórnunarlyfja.

Van Ness, sem er 37 ára gamall, sýndi myndarlegt þyngdartap sitt á Instagram á sunnudag og deildi „fyrir og eftir myndum“ af sér, berum að ofan, þar sem sjá má muninn.

Frétt af mbl.is

„Ég upplifi algjört stjórnleysi í kringum mat“

Í byrjun síðasta mánaðar greindi Van Ness frá því, í færslu á TikTok, að hann væri byrjaður á lyfi, sem tilheyrir flokki glúkagonlík-peptíð-1, en það líkir eftir náttúrulega hormóninu GLP-1 sem er losað úr þörmum eftir máltíðir og hefur margvísleg áhrif á stjórnun glúkósa og matarlyst.

GLP-1-lyf hafa í flestum tilfellum grennandi áhrif, jákvæð áhrif á blóðfitur og lækka dánartíðni í stóræðasjúkdómum.

Van Ness gerði einnig veigamiklar breytingar á lífi sínu sem hafa hjálpað honum að viðhalda þyngdartapinu. Hann breytti mataræði sínu, minnkaði áfengisneyslu og fór að stunda Pilates.