Við Bæjargil í Garðabæ stendur bjart og skemmtilegt raðhús. Húsið er á tveimur hæðum auk bílskúrs og er mjög vel skipulagt. 

Núverandi eigendur hafa skapað bjart og heillandi fjölskyldurými á neðri hæðinni. Eldhúsinnréttingin er níu metra löng búin bakaraofni, helluborði og góðum borðkrók. Opið er úr eldhúsi í borðstofu, stofu og garðskála sem hleypir mikilli birtu inn.

Af fasteignavef mbl.is: Bæjargil 72

Húsið hefur verið mikið endurnýjað síðustu ár. Eignin er samtals skráð 197,5 fm og þar af er bílskúrinn 36,8 fm. Lóðin er fallega frágengin og garðurinn rótgróinn. Í garðinum má einnig finna timburverönd með skjólveggjum og nýlegum heitum potti.

Neðri hæðin er björt og borðstofa og stofa í opnu rými.

Núverandi eigendur hafa gert mikið fyrir húsið.

Eldhúsinnréttingin er svört með öllu því helsta sem ástríðukokkurinn þarfnast.

PH 5-ljósið nýtur sín vel í stofunni.

Wishbone-stólarnir sem voru hannaðir af Hans J. Wegner eru flottir í borðstofunni.

Stofan er hlýleg og smekkleg.

Sólstofan hleypir birtunni inn.

Hjónaherbergið er rúmgott og er á efri hæð hússins.

Svefnherbergin eru þrjú en hægt að bæta við því fjórða.

Baðherbergið á efri hæðinni var gert upp árið 2024.

Sjónvarpsstofan er björt og möguleiki er á að breyta henni í fjórða svefnherbergið.

Húsið er á eftirsóttum stað í Garðabæ.

Nýlegur heitur pottur í garðinum.