Spursmál | 28. febrúar 2025
Segir númer skráð á RÚV í árslok 2018
Mikil dulúð hefur hvílt yfir símanúmerinu 680-2140 sem Ríkisútvarpið notaðist við í samskiptum við eiginkonu Páls Steingrímssonar mánuðina eftir að hún byrlaði honum svefnlyf og kom síma hans í hendur starfsfólks stofnunarinnar.
Segir númer skráð á RÚV í árslok 2018
Spursmál | 28. febrúar 2025
Setja bókamerki
Mikil dulúð hefur hvílt yfir símanúmerinu 680-2140 sem Ríkisútvarpið notaðist við í samskiptum við eiginkonu Páls Steingrímssonar mánuðina eftir að hún byrlaði honum svefnlyf og kom síma hans í hendur starfsfólks stofnunarinnar.
Mikil dulúð hefur hvílt yfir símanúmerinu 680-2140 sem Ríkisútvarpið notaðist við í samskiptum við eiginkonu Páls Steingrímssonar mánuðina eftir að hún byrlaði honum svefnlyf og kom síma hans í hendur starfsfólks stofnunarinnar.
Í gögnum sem lögregla aflaði hjá Stefáni Eiríkssyni útvarpsstjóra varðandi notkun númersins má sjá að engin notkun var á því í mars 2021 en í apríl og júní var greitt fyrir talsverð not af því. Af þeim gögnum hefur sú ályktun verið dregin, meðal annars í fréttaskýringum hér í blaðinu, að númerið hafi verið „virkjað“ í þeim mánuði.
Nýjar upplýsingar veittar
Nú hefur útvarpsstjóri lagt fram ný gögn, reikning sem sýnir að númerið var komið í vörslu RÚV alllöngu fyrr, eða í síðasta lagi í desember 2018. Af fyrr framlögðum gögnum útvarpsstjóra, sem komust í hendur lögreglu í mars 2023 eftir talsvert japl, jaml og fuður í mars 2023, var dregin sú ályktun að númerið hefði fyrst verið virkjað í apríl 2021. Eru lesendur beðnir velvirðingar á þessu.
Í þeim gögnum sem nú eru komin fram og eru á formi skjáskots af gömlum reikningi, sem útvarpsstjóri sendi blaðamanni í tölvupósti, má sjá að númerið var ekkert notað í mánuðinum sem það var skráð. Hefur Morgunblaðið óskað nánari upplýsinga frá RÚV um notkun þess á misserunum fram að virkjun þess í apríl 2021. Upplýsingarnar hafa ekki verið staðfestar af símafyrirtækinu sem í hlut á.
Stóra ráðgátan varðandi númerið er sú staðreynd að það stendur næst í símanúmerarunu á undan símanúmeri Páls Steingrímssonar. Þar skeikar aðeins einum staf. Númer hans endar á tölustafnum 1 en Kveiksnúmerið á 0. Hafði Þóra Arnórsdóttir ritstjóri Kveiks raunar á orði í einu af fjölmörgum sms-um sem hún sendi eiginkonu Páls, haustið 2021, hvílík tilviljun þetta væri. Hafa margir verið vantrúaðir á að um tilviljun sé að ræða og hefur þeirri spurningu verið velt upp hvort notkun þessa tiltekna óskráða númers hafi verið ætluð til þess að hylja slóð samskipta Ríkisútvarpsins við konu Páls.
Lesa má meira um málið í Morgunblaðinu í dag
