Björn Skúlason eiginmaður Höllu Tómasdóttur forseta Íslands hefur vakið athygli fyrir frísklegt útlit. Hann er heilsukokkur og eigandi fyrirtækisins Just Björn sem selur collagen og fleiri heilsuvörur.

Á dögunum birti Björn 30 daga sjálfsástaráskorun á Instagram-síðunni Just Björn þar sem finna má framúrskarandi hugmyndir um það hvernig hægt er að hafa það betra. Listinn er skemmtilega samansettur. Flestir ættu að geta gefið sér tíu mínútur á dag eða jafnvel klukkutíma til að huga að sjálfinu. 

Hér má sjá plan Björns: 

• Dagur 1 - 10 mínútna hugleiðsla.
• Dagur 2 - Hringdu í vin. 
• Dagur 3 - Lestu í klukkutíma. 
• Dagur 4 - Taktu þér frí frá stafrænum heimi. 
• Dagur 5 - Taktu til í skúffum. 
• Dagur 6 - Undirbúðu máltíðir fram í tímann. 
• Dagur 7 - Farðu út í göngutúr. 
• Dagur 8 - Horfðu aftur á uppáhaldskvikmyndina þína. 
• Dagur 9 - Smakkaðu eitthvað sem þú hefur ekki smakkað áður. 
• Dagur 10 - Skrifaðu dagbók. 
• Dagur 11 - Gefðu af þér. 
• Dagur 12 - Prófaðu nýja uppskrift. 
• Dagur 13 - Taktu til í ísskápnum. 
• Dagur 14 - Farðu klukkutíma fyrr í háttinn. 
• Dagur 15 - Reyndu að leysa krossgátu. 
• Dagur 16 - Kláraðu verkefni á verkefnalistanum þínum. 
• Dagur 17 - Hrósaðu einhverjum. 
• Dagur 18 - Vertu heima og slakaðu á. 
• Dagur 19 - Leggðu bílnum langt í burtu frá áfangastaðnum. 
• Dagur 20 - Búðu til heilsusamlegan þeyting. 
• Dagur 21 - Farðu út að borða. 
• Dagur 22 - Farðu í heitt bað. 
• Dagur 23 - Gerðu þakklætislista. 
• Dagur 24 - Prófaðu að setja á þig andlitsmaska sem inniheldur collagen. 
• Dagur 25 - Gefðu þér litla gjöf. 
• Dagur 26 - Bættu 10 mínútum við æfinguna þína. 
• Dagur 27 - Taktu til í einu herbergi. 
• Dagur 28 - Farðu í jógatíma eða farðu á matreiðslunámskeið. 
• Dagur 29 - Fáðu þér nýja hárgreiðslu. 
• Dagur 30 - Drekktu fullt glas af vatni um leið og þú vaknar. 

Halla Tómasdóttir forseti Íslands og Björn Skúlason eigandi Just Björn. Ljósmynd/Aldís Pálsdóttir

Halla Tómasdóttir og Björn Skúlason á Bessastöðum á dögunum. mbl.is/Karítas

Brynhildur Guðjónsdóttir, Halla Tómasdóttir og Björn Skúlason. Ljósmynd/Owen Fiene

Halla Tómasdóttir, Magnús Geir Þórðarson, Björn Skúlason og Ingibjörg Ösp Stefánsdóttir.