Viðburðir | 5. mars 2025

Gummi Kíró bauð í smakk á Lemon

Guðmundur Birkir Pálmason, betur þekktur sem Gummi Kíró, einn af vinsælustu kírópraktorum landsins bauð upp á smakk og tjatt á nýjum próteindrykk á Lemon á dögunum.

Gummi Kíró bauð í smakk á Lemon

Viðburðir | 5. mars 2025

Gleðin var í fyrirrúmi á Lemon þegar nýr prótein drykkur var kynntur til leiks. Lilja Marín Guðmundsdóttir, Guðmundur Birkir Pálmason, alla jafna kallaður Gummi Kíró, Kristjana Björk Barðdal, Gurrý Indriðadóttir og Jóhanna Soffía Birgisdóttir. Ljósmynd/Aðsend

Guðmundur Birkir Pálmason, betur þekktur sem Gummi Kíró, einn af vinsælustu kírópraktorum landsins bauð upp á smakk og tjatt á nýjum próteindrykk á Lemon á dögunum.

Hann hefur unnið markvisst að því að bæta heilsu sína sem og annarra landsmanna. Hann segir það gefa sér mikla útrás að fara á góða æfingu og fá sér svo gott prótein á eftir.

„Það besta sem ég veit er að fara á Lemon eftir æfingu og fá mér próteinsjeik og samloku,“ segir Gummi kampakátur. „Þegar stelpurnar á Lemon höfðu samband og báðu mig um að gera nýjan próteindrykk í samstarfi við þær var ég ekki lengi að segja já, enda er þetta frábær staður sem býður upp á hollan og góðan mat.“

Staðurinn stútfylltist

Viðskiptavinum var boðið að smakka nýja drykkinn hans Gumma Kíró sem heitir Fro Pro og vísar í góðan Frappó-próteindrykk enda inniheldur drykkurinn kaffi og prótein.

„Þessi drykkur er mjög góður og er frábær viðbót á núverandi matseðil hjá okkur,“ segir Gurrý Indriðadóttir markaðsstjóri Lemon og bætir við að staðurinn hafi stútfyllst enda viðskiptavinir og aðrir æstir í að smakka þennan frábæra drykk hjá Gumma.

Það var mikið fjör í smakkpartýinu eins og sést á myndunum.