Íslenska sprotafyrirtækið Greenfish hlaut í gær nýsköpunarverðlaun sjávarafurða 2025, Seafood Innovation Award, að því er fram kemur í tilkynningu á vef verðlaunanna. Verðlaunin voru afhent við hátíðlega athöfn á málþingi sjávarfangsfyrirtækja á Norður-Atlantshafi, North Atlantic Seafood Forum (NASF), sem haldið er árlega í Bergen í Noregi.

Fjöldi félaga voru tilnefnd til verðlaunanna en sjö voru valin í úrslitakeppni. Sigurvegarinn var valinn bæði af dómnefnd og í kosningu meðal fundargesta að lokinni kynningu á verkefnum fyrirtækjanna.

Greenfish nýtir gervigreindarlíkön sem keyrð eru á ofurtölvum með gervihnattagögnum til að gera spá átta daga fram í tímann um staðsetningu afla, magn, gæði og aflasamsetningu á hafkorti.

Frétt af mbl.is

Spá fyrir um staðsetningu afla með gervigreind

Verðlaununum fylgir  þúsund norskar krónur, jafnvirði um 314 þúsund íslenskra króna, auk sérsniðins frumkvöðlastuðning á lykilsviðum eins og stefnumótun, markaðssetningu og viðskiptaþróun.

Nýverið var greint frá því að Greenfish hefði hafið samstarf við eina af stærstu útgerðum Bandaríkjanna.

Frétt af mbl.is

Vinna með risaútgerð í Bandaríkjunum