Bandaríska fyrirsætan Emily Ratajkowski skemmti sér drottningarlega á kjöt­kveðju­hátíðinni í Rio de Jan­eiro í Bras­il­íu nú á dögunum, ef marka má nýjustu færslu hennar á Instagram.

Ratajkowski, sem er 33 ára, birti djarfar og kynþokkafullar myndir af sér í hátíðarskrúða og sýndi einnig frá stemningunni á svæðinu.

„Takk fyrir mig, Brasilía. Carnival er ótrúleg upplifun,“ skrifaði hún á portúgölsku við myndaseríuna.

Kjötkveðjuhátíðin er haldin árlega með pompi og prakt í brasilísku borginni Rio de Janeiro. Hátíðin, sem er sú stærsta sinnar tegundar, laðar til sín ferðafólk hvaðanæva að úr heiminum ár hvert, enda mögnuð sýning fyrir augu og eyru.