Töluverð skjálftavirkni hefur verið á Reykjanesskaga í morgun en margir smáskjálftar hafa mælst á Krýsuvíkursvæðinu og þá hefur skjálftavirkni farið vaxandi við kvikuganginn á Sundhnúkagígaröðinni.

„Ég myndi nú ekki kalla þetta hrinu en það er algengt að það tikki inn margir jarðskjálftar á þessu svæði,“ segir Steinunn Helgadóttir, náttúruvársérfræðingur á Veðurstofu Íslands, við mbl.is en á níunda tímanum í morgun mældust sjö jarðskjálftar norðvestur af Krýsuvík, sá stærsti 0,9 að stærð.

Steinunn segir að skjálftarnir í Krýsuvík tengist ekkert atburðunum á Sundhnúkagígaröðinni. Hún segir að aukin skjálftavirkni hafi verið við kvikuganginn en kvikusöfnun heldur áfram undir Svartsengi og er orðin meiri en var fyrir síðasta eldgos.

Frétt af mbl.is

„Engar vísbendingar um að þessu sé að ljúka“