Þórarinn Hjartarson og vinur hans áttu mörg samtöl þar sem þeir ræddu um hin ýmsu þjóðfélagsmál og á endanum þótti þeim góð hugmynd að ráðast í hlaðvarpsgerð, því ef til vill væru fleiri sem hefðu gaman að þessum samtölum.

Ein pæling er nú með þekktari hlaðvörpum landsins þar sem Þórarinn tekur viðtöl við þekkt fólk í þjóðfélaginu og ekki síst ráðamenn. Þrátt fyrir að hann spyrji ráðmenn spurninga eins og blaðamenn gera þá hvarflaði aldrei að honum að vinna í hefðbundnum fjölmiðlum.

„Nei, og ég reyndar álít það sem svo að ég er ekki fjölmiðill. Og ég held svolítið fast í það út af því að ég er miklu meira í því að vera skoðanamyndandi. Ég myndi frekar telja mig sem einhvers konar álitsgjafa,“ segir Þórarinn.

Frétt af mbl.is

Stýring á umræðu hefði ekki jákvæð áhrif

Hlaðvarpsgerð frábrugðin blaðamennsku

Hann segir mikilvægt að aðgreina álitsgjafa og blaðamenn. Bendir hann á að hann bíði ekki klukkutímum saman fyrir utan Stjórnarráðið til að spyrja ráðamenn spurninga eins og blaðamenn gera.

„Það heillaði mig aldrei að fara út í hefðbundna fjölmiðlun. Ég er svolítill einfari að eðlisfari, mér finnst rosalega gott að hafa mikla stjórn á efninu. Ég vinn myndefnið sjálfur, ég vinn hljóðið sjálfur, maður hefur eytt ótrúlegum miklum tíma í að læra þetta sjálfur og stúdera það hvað maður þarf. Auðvitað hef ég fengið hjálp samhliða. En það er sama, þetta er aðeins frábrugðið,“ segir Þórarinn.

Þórarinn var gestur í Dag­málum í síðustu viku þar sem var rætt um stöðu hlaðvarpa á Íslandi, áhrif þeirra á þjóðfé­lags­um­ræðuna og fleira.

Frétt af mbl.is

„Það vita allir að þetta er algjör della“

Áskrif­end­ur Morg­un­blaðsins geta horft á þátt­inn í heild sinni með því að smella hér.

Viðtalið við Kristrúnu minnisstætt