Við Lautarveg 16 í Fossvogi er til sölu hæð í nýlegu þríbýli. Heildarstærð eignarinnar er skráð 229,9 fm og þar af eru 30 fm bílskúr, 12,9 fm geymsla og 51,3 fm aukaíbúð sem hægt er hafa í útleigu.

Eignin er sérlega vönduð með sérsmíðuðum innréttingum frá Brúnás. Alrými er ákaflega bjart og fallegt og þar eru stofa, borstofa og eldhús samliggjandi. Eldhúsinnréttingin er hvít og stílhrein og kvartsteinn á borðum. Úr stofu og hjónaherbergi er útgengi á hellulagða verönd með skjólvegg. Speglaskápar frá Brúnás eru í forstofu og hjónaherbergi. Auk hjónaherbergis eru tvö önnur svefnherbergi.

Íbúðin er parketlögð að mestu fyrir utan baðherbergi og forsofu. Baðherbergin eru tvö og eitt þeirra tilheyrir hjónaherbergi. Í hinu eru tengi fyrir þvottavél og þurrkara.

Ásett verð er 189.500.000 kr.

Sjá á fasteignavef mbl.is: Lautarvegur 16

Útgengi úr stofu út á hellulagða verönd. Ljósmynd/Fasteignaljósmyndun

Hvítur kvartsteinn er á borðum í eldhúsi. Ljósmynd/Fasteignaljósmyndun

Forstofa er flísalögð með speglaskápum frá Brúnás. Ljósmynd/Fasteignaljósmyndun

Hjónaherbergið er rúmgott. Ljósmynd/Fasteignaljósmyndun

Tvö baðherbergi eru í íbúðinni og eitt þeirra tilheyrir hjónaherbergi. Ljósmynd/Fasteignaljósmyndun

Borðstofa í alrými. Ljósmynd/Fasteignaljósmyndun

Stofa í alrými. Ljósmynd/Fasteignaljósmyndun

Eyjan í eldhúsi stúkar það eilítið af. Ljósmynd/Fasteignaljósmyndun