Við Gullakur í Akrahverfinu í Garðabæ er að finna einstakt einbýlishús sem reist var 2009. Húsið er 506,4 fm að stærð og var teiknað af Sigurði Hallgrímssyni. Guðbjörg Magnúsdóttir innanhússarkitekt teiknaði húsið að innan. Allar innréttingar eru sérsmíðaðar hjá Hegg. Sannkallaður verðlaunagarður prýðir húsið en hann fékk sérstaka viðurkenningu 2018. 

Í eldhúsinu eru sérsmíðaðar innréttingar með tækjum frá Miele. Tvöfaldur innbyggður ísskápur er í innréttingunni og er borðplatan úr steini. Úr eldhúsi er rennihurð út á timburlagða verönd.

Marmari er á gólfum sem setur mikinn svip á heimilið. Eigendur hússins eru Gunnar Gunnarsson og Bergljót Ylfa H. Pétursdóttir. 

Sjá nánar á fasteignavef mbl.is: Gullakur 4

Arinn er í stofu og gólfsíðir gluggar njóta sín vel.

Horft úr stofu inn í borðstofu og eldhús.

Eldhúsið státar af sérsmíðuðum innréttingum frá Hegg.

Baðherbergið er fallega hannað.