Við Hafnarbraut í Kópavogi er lítil og smekkleg íbúð til sölu. Íbúðin er staðsett á Kársnesi sem er gríðarlega vinsæll staður og er útsýni yfir sjóinn. Það eru þau Fannar Páll Aðalsteinsson, markaðsstjóri 66° Norður og Aldís Eik Arnarsdóttir, verkefnastjóri hjá 66°Norður, sem eru núverandi eigendur. Parið eignaðist sitt fyrsta barn á síðasta ári.

Íbúðin er björt og smekklega innréttuð. Fannar og Aldís eru augljóslega smekkfólk en í íbúðinni er mikið um hönnunarvörur.

Eitt svefnherbergi er innan íbúðarinnar sem er á efstu eða 5. hæð og með aukinni lofthæð. Eignin er 84 fm að stærð. Frá stofu er gengið út á svalir sem snúa í suðvestur með glæsilegu útsýni yfir hafið.

Sjá á fasteignavef mbl.is: Hafnarbraut 12F

Íbúðin er í nýlegu húsi á Kársnesi.

Eldhúsinnréttingin er hvít með stórri eyju.

Það er opið frá eldhúsi í borðstofu og stofu.

Togo-stóllinn í hvítu passar vel inn í stofuna.

Eitt svefnherbergi er í íbúðinni.

Baðherbergið er flísalagt í hólf og gólf. Gott skápapláss er á baðherberginu.

Dásamlegar svalir með útsýni yfir hafið. Hvað þarf meira?