Tiger Woods, frægasti kylfingur allra tíma, og Vanessa Trump, fyrrverandi tengdadóttir Donalds Trumps Bandaríkjaforseta, eru sögð vera að stinga saman nefjum.

Bandaríski slúðurmiðillinn Page Six greinir frá þessu og hefur eftir ónefndum heimildarmanni.

„Þau eru fullkomin fyrir hvort annað. Þau eru rólynd, vön gagnrýni í sinn garð, reyna að forðast óþarfa drama og deila mörgum sömu gildum í lífinu.” 

Woods, 49 ára, og Trump, 47 ára, hafa reynt allt til að halda sambandi sínu frá vökulum augum fjölmiðla síðustu mánuði, en ástarblossinn er sagður hafa kviknað í lok nóvember, í kringum þakkargjörðarhátíðina.

Frétt af mbl.is

Tiger Woods og Elin skilin

Woods var kvæntur sænsku fyrirsætunni Elin Nordegren á árunum 2004 til 2010. Þekkt er að upp úr hjónabandi þeirra slitnaði eftir að Woods varð uppvís að ítrekuðu framhjáhaldi árið 2009. Saman eiga þau tvö börn.

Trump var gift Donald Trump Jr. á árunum 2005 til 2018. Þau eiga fimm börn.

Frétt af mbl.is

Vanessa Trump sækir um skilnað