Donald Trump Bandaríkjaforseti segist ekki hafa í hyggju að létta á stál- og áltollum. 

Frá því að hann tók við völdum í Hvíta húsinu á nýjan leik í janúar hefur hann lagt álögur á mörg viðskiptalönd Bandaríkjanna.

Frétt af mbl.is

Markaðir titra í kjölfar ákvörðunar Trumps

Hlutabréf falla

Háir tollar Trumps á áli og stáli gagnvart Kanada og Mexíkó tóku gildi í byrjun mars sem varð til þess að verð á hlutabréfum tók að falla.

Forsetinn sagði blaðamönnum um borð í forsetaþotunni í gær að hann ætlaði ekki að gera undanþágur frá gjaldskránni.

„Nei ég ætla ekki að gera það,“ ítrekaði Trump.

Frétt af mbl.is

Trump: 200% tollur á áfengi frá ríkjum ESB

Boðar frekari tolla

Eftir að Trump boðaði 25% tolla á Kanada svöruðu stjórnvöld þar í landi með því að hækka verð á rafmagni sem þeir selja til Bandaríkjanna.

Trump sagði í kjölfarið að ef ekki yrði fallið frá þessari verðhækkun þá myndi hann stórauka tolla á bifreiðar frá Kanada 2. apríl.

Þá hefur hann hótað 200% tolli á vín og aðrar áfengar vörur frá Frakklandi og öðrum löndum í Evrópusambandinu. Kemur hótunin í kjölfar áætlaðra refsitolla Evrópusambandsins á meðal annars bandarískt viskí, sem eiga að taka gildi í byrjun apríl.

Frétt af mbl.is

ESB grípur til aðgerða vegna tollahækkana Trumps