Rétt hjá Selfossi er hús til leigu sem rúmar átján manns í sex herbergjum. Húsið er gamall skóli sem hætti árið 2006. Nú er búið að breyta skólanum í skemmtilega gistingu fyrir hópa sem hægt er að leigja á leigusíðunni AirBnb.

Í lýsingu hússins er tekið fram að byggingin sé söguleg á skemmtilegum stað á landsbyggðinni. Húsið er innréttað á afslappaðan og smekklegan hátt. Sex svefnherbergi eru í húsinu og er sér baðherbergi fyrir hvert herbergi. Þetta er því kjörið fyrir stóra vinahópa eða fjölskyldur. 

Þarna má einnig finna skemmtilegan garðskála og heillandi útisvæði. Einnig er heitur pottur fyrir gesti.

Húsið er innréttað á heimilislegan og afslappaðan hátt. Skjáskot/AirBnb

Það er nóg pláss! Skjáskot/AirBnb

Snyrtileg og smekkleg svefnherbergi. Skjáskot/AirBnb

Þarna má njóta lífsins með sínum nánustu og elda góðan mat. Skjáskot/AirBnb

Inni- og útigarðurinn er heillandi. Skjáskot/AirBnb