Í janúar á þessu ári setti ameríska uppboðshúsið Julien's upp mikla sýningu og uppboð á frægum hlutum úr tíð tónlistarmannsins Bob Dylan. Julien's hefur áður boðið upp hluti frá Elvis Presley, Marilyn Monroe, Ringo Starr, Kurt Cobain og Lady Gaga. Á uppboðinu með hlutum frá Dylan var meðal annars einn gallajakki sem ónefndur kaupandi greiddi rúmlega þrjár milljónir króna fyrir.

Timothée Chalamet í jakkanum. Skjáskot/Instagram

Bob Dylan klæddist jakkanum í kvikmyndinni Hearts of Fire sem kom út árið 1987.

Chalamet greiddi rúmlega þrjár milljónir króna fyrir jakkann.

„Kom upp“ um sjálfan sig 

Nú hefur dularfulli kaupandinn komið í ljós en það „komst upp um hann“ á samfélagsmiðlinum Instagram á dögunum. Enginn annar en stórleikarinn Timothée Chalamet birti mynd af sér í jakkanum. 

Jakkinn er úr gallaefni, bróderaður og skreyttur með flaueli, blúndu og litríkum textílbótum. Dylan klæddist jakkanum í kvikmyndinni Hearts of Fire sem kom út árið 1987. 

Stórleikur Chalamet

Dylan hefur án efa haft mikil áhrif á Chalamet undanfarið. Chalamet var tilnefndur til Óskarsverðlauna sem besti leikarinn og hlaut SAG-verðlaunin fyrir leik sinn í kvikmyndinni. Það á eftir að koma í ljós hvort Chalamet hafi keypt fleira frá Dylan á uppboðinu.