Varnarmálaráðherra Þýskalands mun ráðfæra sig við æðstu hershöfðingja landsins um öryggismál sem tengjast bandarískum vopnakerfum, sérstaklega F-35 orrustuþotum.  samkvæmt skýrslu í innlendu dagblaði á fimmtudag.

Frá þessu greinir þýska blaðið Süddeutsche Zeitung. 

Mörg Evrópuríki eru nú að endurskoða þörf sína fyrir bandarískum vopnum og tækni í kjölfar ummæla Trump Bandaríkjafoseta sem hafa varpað skugga á samstarf Bandaríkjanna og Evrópu.

Boris Pistorius, varnarmálaráðherra Þýskalands, hyggst ráðfæra sig við hátt setta hershöfðingja, sérfræðinga ráðuneytisins og innkaupafulltrúa, að því er segir í umfjöllun blaðsins. 

Donald Trump, forseti Bandaríkjanna, hefur hrist upp í vestrænu samstarfi með ummælum sínum um Evrópusambandið og NATO. AFP

Hafa áhyggjur

Þar mun áherslan vera á bandarísk vopnakerfi sem þýski herinn notar nú þegar eða hefur pantað. Þjóðverjar hafa t.d. pantað 35 F-35 orrustuþotur frá Bandaríkjunum, en menn hafa nú áhyggjur af því að bandarísk stjórnvöld geti hugsanlega haft stjórn á þotunum.

Sérfræðingar hafa lýst yfir áhyggjum varðandi flutning á nauðsynlegum varahlutum til landsins og þá hafa aðrir áhyggjur af því að svokallaður„drápsrofi“ geti mögulega verið innbyggður í herþoturnar, sem gefi bandarískum yfirvöldum kleift að ráða því hvort vélarnar hefji sig til flugs eður ei. 

Boris Pistorius, varnarmálaráðherra Þýskalands, vill fara yfir stöðuna með hershöfðingjum og sérfræðingum. AFP

Gögn og varahlutir mikilvægir

Carlo Masala, stjórnmálafræðingur við Bundeswehr-háskólann í München, segir í samtali við blaðið að flugvélarnar séu atriði sem hægt sé að þrýsta á í samskiptum ríkjanna, óháð því hvort einhver drápsrofi sé í þeim. 

„Vandamálið með F-35 snýst frekar um gagnasendingar og varahluti,“ sagði hann.

„Ef það er ekki til staðar þá glatar F-35 miklu af virkni sinni [...] Ef skorið er á það þá er það vandamál.“