Heiða Björg Hilmisdóttir borgarstjóri Reykjavíkur klæddist gulri mynstraðri dragt þegar hún setti landsþing Sambands íslenskra sveitarfélaga. Ljósgulur er heitasti liturinn núna og mun koma til með að vera það áfram fram á sumar. 

Frétt af mbl.is

Liturinn sem mun taka yfir fataskápinn þinn

Jakkinn og buxurnar eru frá & Other Stories sem er því miður ekki að finna hér á landi. Verslunin er sænsk og tilheyrir sama fyrirtæki og verslanirnar H&M, Cos, Monki og Arket.

& Other Stories hefur verið gríðarlega vinsæl frá opnun. Verslunin þykir bjóða upp á góð snið og gæðaefni á góðu verði. Verslunin er þó dýrari en systur hennar, H&M og Monki.

Jakkinn kostar 21.200 krónur á gengi dagsins í dag og buxurnar 18.600 krónur.

Heiða Björg setti landsþing Sambands íslenskra sveitarfélaga í dragtinni. mbl.is/Karítas

Heiða Björg klæddist beinhvítri blússu undir jakkanum. mbl.is/Karítas

Gulur og drapplitaður

Efnasamsetningin er 77% bómull á móti 12% pólýamide, 7% pólýester og 4% málmhúðaðar trefjar sem gefa örlítinn glans. 

Sniðið á jakkanum er stutt en hann nær rétt fyrir neðan mitti. Buxurnar eru beinar í sniðinu og háar upp mittið og þess vegna gengur að hafa jakkann svona stuttan. Sniðið yrði ekki jafn vel heppnað ef buxurnar væru lægri í mittið því þá myndast bil á milli jakkans og buxnastrengsins. 

Dragtin hennar Heiðu er úr Jacquard-ofnum textíl. Það þýðir að mynstrið er ofið í efnið í stað þess að prenta á það. Jacquard-efni geta verið einlit en einnig er algengt að nokkrum litum sé blandað saman eins og gert hefur verið í þessari tilteknu dragt. Þá hefur gulu og drapplituðu efni verið ofið saman. Jacquard-efni búa einnig oft yfir góðri þykkt eins og í þessari dragt. Fötin virðast þannig vera fínni og meiri lúxus býr yfir þeim.

Sér­stak­ur jacquard-vef­stóll var fund­inn upp árið 1804 af tex­tíl­hönnuðinum Joseph Marie Jacquard. Jacquard-efni er einnig þekkt und­ir öðrum nöfn­um eins og dam­ask, matlassé og broca­de.

Þau efni sem eru með mynstrið ofan í efnið líkj­ast jacquard-efn­um en strangt til tekið má aðeins kalla þau sem hafa verið ofin í jacquard-vef­stól bera nafnið.

& Other Stories er sænsk verslun sem hefur verið vinsæl frá opnun.

Jakkann má nota á marga vegu, hann er æðislegur við gallabuxur.