Vextir á Íslandi | 21. mars 2025
Fjárveitingar verði markmiðstengdar
„Ég tel að það sé mjög mikilvægt þegar kemur að þjónustu ríkisins að það séu sett einhver markmið sem tengd eru saman við fjárveitingar.
Fjárveitingar verði markmiðstengdar
Vextir á Íslandi | 21. mars 2025
Setja bókamerki
„Ég tel að það sé mjög mikilvægt þegar kemur að þjónustu ríkisins að það séu sett einhver markmið sem tengd eru saman við fjárveitingar.
„Ég tel að það sé mjög mikilvægt þegar kemur að þjónustu ríkisins að það séu sett einhver markmið sem tengd eru saman við fjárveitingar.
Þó að þú eyðir meiri peningum er ekki sjálfgefið að þú fáir meiri þjónustu.“
Þetta segir Ásgeir Jónsson seðlabankastjóri í samtali við mbl.is.
Mikilvægt að stíga upp úr kjarasamningum
Bendir Ásgeir á að þegar Nýja-Sjáland hafi fyrst allra ríkja sett fram verðbólgumarkmið hafi það verið hluti af umbótum í opinberum fjármálum um að setja ríkisstofunum markmið.
Hann segir mikilvægt fyrir ríkið að stíga upp úr kjarasamningum og velta fyrir sér mannauðsstefnu og hvernig ríkisstarfsmenn geti unnið með sinn starfsferil til lengri tíma.
„Hvernig getum við tengt saman markmið starfsmanna um einhvern starfsferil og markmið ríkisins um að ná fram þjónustu fyrir peninginn?“
Segir Ásgeir mikið hafa verið um að ríkið bjóði hluti sem talið er að kosti ekkert í stað launahækkana og nefnir styttri vinnutíma og uppsagnavernd í því sambandi.
„Ég held að þetta sé röng braut. Ég held að þetta hafi leitt til mikils kostnaðar og ákveðins vanda. Það þarf að hugsa vel þegar hlutir eru boðnir sem talið er að geti komið í stað launahækkana.“
Engar töfralausnir
Talið berst að samtímagögnum Hagstofu Íslands og rauntímasýn Seðlabanka með tilliti til þeirra en bæði Ásgeir og Þórarinn G. Pétursson varaseðlabankastjóri hafa vísað til þess að hagvöxtur hafi verið mun meiri árin eftir Covid en gert var ráð fyrir.
Segir Ásgeir almennt vandamál í hinum vestræna heimi vera að kannanir gangi verr. Svarhlutfall hafi lækkað en segir að reynt hafi verið að bregðast við eins og hægt hefur verið.
„Þessi mál hvíla þó mjög mikið á Hagstofunni en við erum að reyna að bæta þetta,“ segir Ásgeir og bætir því við að engar töfralausnir séu til í þeim efnum.
Ekki raunveruleg áhrif fyrr en á næsta ári
Ásgeir segir að lokum aðspurður að Seðlabankinn hafi ekki horft til sparnaðarhugmynda ríkisstjórnarinnar eða stöðugleikamarkmiða í sínu mati.
„Það liggur fyrir að þetta ár verður keyrt á fjárlögum sem voru samþykkt á Alþingi fyrir kosningarnar en eftir að ríkisstjórnin féll reyndar.
Við metum það sem svo að við sjáum ekki raunveruleg áhrif þessarar ríkisstjórnar fyrr en á næsta ári.
Það sem við höfum hlustað á er það sem þau hafa sagt, sem er að það verði engar snöggar breytingar, og það er það sem við miðum við.“
/frimg/1/47/17/1471765.jpg)
