Sálfræðingurinn og kynlífsfræðingurinn Laura Lee, segir í pistli sínum á Body&Soul, eftirfarandi stellingar góðar fyrir konur. Sérstaklega þegar þær eru á vissum stað í tíðahringnum.

1. Skeiðin minnkar uppþembu og hausverki

Þeir sem upplifa mikla uppþembu eða vindgang, annað hvort vegna tíðaverkja eða magavandamála vita að best sé að forðast allan beinan þrýsting á magasvæðið. Þess vegna er skeiðin mjög góð stelling í kynlífinu. Sú stelling hvetur til mjúkra hreyfinga og virkar slakandi. Þá er skeiðin talin góð stelling til þess að minnka hausverk.

2. Öfugsnúin kúrekastelpa fyrir aum brjóst

Þetta er þegar konan er klofvega ofan á en snýr í burtu frá þeim sem er undir. Þessi stelling hlífir viðkvæmum brjóstum en sumar konur verða mjög aumar í brjóstunum í kringum blæðingar. Í þessari stellingu getur sá sem er undir ekki stolist til þess að grípa eða kreista brjóstin viðkvæmu.

3. Trúboðastellingin fyrir túrverki

Það léttir á túrverkjum með því að auka blóðflæði fyrir neðan kvið sem svo slakar á vöðvum. Þannig léttir á verkjum. Fullnægingar geta einnig minnkað túrverki. Gott er að velja þá stellingu sem auka líkur á fullnægingu. Margir mæla með trúboðastellingunni og halda fótunum á lofti t.d. með kodda til þess að minnka þrýsting á neðansvæðið.

4. Hundastellingin er góð fyrir liðina

Gott kynlíf leysir úr læðingi vellíðunarhormón líkamans sem hafa jákvæð áhrif á alla vöðva og liði líkamans. Sérfræðingar mæla með hundastellingunni en fyrir viðkvæma er gott að setja kodda undir hnéin.