Al­mennt er talið að lyk­ill­inn að and­legri vellíðan sé að setja öðrum skýr mörk. En hvað skal gera ef fólkið sætt­ir sig ekki við mörk­in sem maður set­ur?

Chloe Laws rit­höf­und­ur seg­ir frá sinni reynslu í pistli sín­um á The Styl­ist.

„Það er mik­il­vægt að skilja hvernig þú get­ur búið til um­hverfi þar sem ákveðin teg­und hegðunar er ekki liðin. Ég hef hins veg­ar lært það að mörk verða aðeins virt ef maður set­ur þau á viss­an hátt, í vissu sam­hengi og af rétt­um hvöt­um,“ seg­ir Laws.

„Eft­ir að hafa varið mörg­um árum í að skilja mín mörk þá reyndi ég loks að ræða um þau við fjöl­skyldu mína um þann stuðning sem ég þurfti frá þeim. Ég var búin að setja niður á blað öll rök­in fyr­ir því hvers vegna marka­leysi mitt hafði nei­kvæð áhrif á líf mitt. Ég fór á fund nokk­urra fjöl­skyldumeðlima og út­skýrði hvernig og hvers vegna ég þurfti að fá meira svig­rúm, meira einka­líf og að talað væri við mig af meiri virðingu. Ásetn­ing­ur minn var góður og þetta var löngu tíma­bært af minni hálfu.“

„Útkom­an var samt ekki góð. Ég var svo stíf og fjöl­skyldu minni þótti ég vera að pre­dika yfir þeim. Mörg­um þótti ég köld og lít­il­lækk­andi í fram­komu. Það var líkt og all­ir hötuðu mig.“

„Ég hef stund­um haft efa­semd­ir um það þegar fólk set­ur öðrum mörk. Líkt og það væri bara að setja sjálfs­elsku í ein­hvern spari-bún­ing. Þegar ég sagði fyrr­ver­andi vin­konu að ég gæti ekki verið alltaf til­tæk fyr­ir hana (vin­kona sem hringdi mörg­um sinn­um á dag og varð reið ef ég svaraði ekki strax) þá setti hún mér mörk og sagði upp vinátt­unni. Það var vegna þess að vinátta okk­ar var ekki leng­ur að þjóna henn­ar eig­in hags­mun­um.“

„Þetta hef­ur fengið mig til þess að velta mál­un­um enn frek­ar fyr­ir mér. Er það að standa á sínu um hvað maður vill fá frá öðrum eitt­hvað sem er ósann­gjarnt? Er hægt að setja mörk án þess að eiga á hættu að fólk sem manni þykir vænt um snú­ist gegn manni?“

Veena Ug­ar­gol sál­fræðing­ur seg­ir manni að snúa dæm­inu við. „Ef besti vin­ur þinn set­ur sams kon­ar mörk, þætti þér þau sann­gjörn? Ef svarið er já, þá skaltu ein­beita þér að því að hjálpa fólki að skilja þína hlið. Ef ein­hver neit­ar að sætta sig við mörk­in sem þú set­ur þá gæti þetta verið tím­inn til þess að búa til ákveðna fjar­lægð á milli ykk­ar og jafn­vel enda sam­bandið. Ræktaðu frek­ar sam­band við þá sem styðja þig.“

Mörk eru eng­in töfra­lausn og geta oft leitt til enda­loka vináttu eða sam­bands. Sum­ir móðgast og reiðast. Það að setja ein­hverj­um mörk er aldrei þægi­leg upp­lif­un. Komi slíkt upp þá get­ur verið sniðugt að nálg­ast sam­talið af for­vitni. Af hverju lík­ar ein­hverj­um ekki þessi breyt­ing? Sam­talið á þó aldrei að snú­ast um að breyta mörk­um þínum til þess að þókn­ast þeim. Þú get­ur hins veg­ar sett þetta allt í skilj­an­legt sam­hengi til þess að út­skýra ákvörðun þína.