Þor­gerður Katrín Gunn­ars­dótt­ir ut­an­rík­is­ráðherra seg­ir að það hafi al­farið verið ákvörðun Ásthild­ar Lóu Þórs­dótt­ur að segja af sér ráðherra­embætti fyr­ir helgi. Hún hafi axlað ábyrgð og staðið sterk­ar á eft­ir.

Þetta kom fram í óund­ir­bún­um fyr­ir­spurn­ar­tíma á Alþingi í dag þar sem Bergþór Ólason, þingmaður Miðflokks­ins, spurði Þor­gerði út í aðkomu henn­ar varðandi af­sögn Ásthild­ar Lóu.

Var sett­ur þrýst­ing­ur á Ásthildi Lóu?

„Mig lang­ar til að spyrja hæst­virt­an ráðherra, biðja um stutta út­skýr­ingu á því með hvaða hætti þessi ákvörðun var tek­in hvað Viðreisn varðar. Var ráðgjaf­aráðið, sem ályktaði títt árið 2017, kallað til skrafs og ráðagerða eða var þetta leyst að fullu inn­an hóps val­kyrj­anna, sem kalla sig svo? Og mig lang­ar til að spyrja hæst­virt­an ut­an­rík­is­ráðherra hvort ráðherr­ann setti þrýst­ing á fyrr­ver­andi mennta- og barna­málaráðherra um að segja af sér embætti,“ spurði hann. 

Þor­gerður svaraði og sagði að ákvörðun Ásthild­ar Lóu hefði al­gjör­lega henn­ar.

Axl­ar ábyrgð og stend­ur sterk­ari eft­ir

„Að sjálf­sögðu var farið yfir það á þess­um fundi, á fimmtu­dag­inn var farið yfir málið og hún gerði grein fyr­ir at­b­urðarás­inni. Ákvörðunin er síðan henn­ar. Hún axl­ar strax ábyrgð og ég skynja að það er greini­lega erfitt fyr­ir suma flokka að átta sig á því að hún er að setja stærri hags­muni fram­ar, þ.e. bæði rík­is­stjórn­ar­inn­ar en ekki síður mála­flokks­ins sem hæst­virt­ur fyrr­ver­andi ráðherra hef­ur brunnið mjög fyr­ir. Þannig að í stað þess að láta þetta mál fara inn í þann mik­il­væga mála­flokk sem mennta- og barna­mál­in eru þá axl­ar hún ábyrgð og stend­ur að mínu mati sterk­ari eft­ir,“ sagði Þor­gerður Katrín. 

Frétt af mbl.is

Sam­talið „verður ekk­ert viðrað hér í smá­atriðum“

Er Ásthild­ur Lóa bund­in trúnaði?

Bergþór vísaði til orða sem Ásthild­ur Lóa hefði látið falla um að hún mæti þá niður­stöðu sem varð í mál­inu sem ósann­gjarna.

„Mig lang­ar bara að spyrja hæst­virt­an ut­an­rík­is­ráðherra aft­ur, af því að mér finnst það í raun ekki stand­ast neina skyn­sem­is­skoðun að það sé staðan, hvort ráðherr­arn­ir sem áttu þenn­an fund með fyrr­ver­andi ráðherra hafi sett þrýst­ing á ráðherr­ann um að segja af sér eða að öðrum kosti færi — ja, það ligg­ur ekki fyr­ir hvaða val­kost­ir voru rædd­ir, þeir voru víst marg­ir og rædd­ir ít­ar­lega. En það skipt­ir máli. Sömu­leiðis lang­ar mig að spyrja hæst­virt­an ráðherra hvort hún líti svo á — nú vísaði hæst­virt­ur for­sæt­is­ráðherra til trúnaðar um þenn­an fund — lít­ur hæst­virt­ur ut­an­rík­is­ráðherra svo á að fyrr­ver­andi ráðherra, Ásthild­ur Lóa Þórs­dótt­ir, sé bund­in trúnaði af þeim sam­töl­um sem þarna áttu sér stað,“ spurði Bergþór.

Eng­inn þrýst­ing­ur

Þor­gerður Katrín sagði að for­ystu­menn rík­is­stjórn­ar­flokk­anna hefðu sest niður með Ásthildi Lóu til að fara yfir málið, sem væri bæði per­sónu­legt og erfitt, í sam­ein­ingu.

„Ég held að það sjái það all­ir í dag, við öll í þess­um þingsal og líka jafn­vel mjög stór hluti af sam­fé­lag­inu, að þetta mál er, að mínu mati, í dag þannig vaxið að það er meira sem hvíl­ir á fjöl­skyldu Ásthild­ar Lóu að standa sam­an held­ur en að við í stjórn­mál­un­um reyn­um að gera okk­ur stærri á grund­velli þessa máls eins og sum­ir virðast vera að gera. Ákvörðunin var al­ger­lega henn­ar. Það var henn­ar ákvörðun eft­ir að við höfðum átt sam­tal sam­an. Það var ekki þrýst­ing­ur, en þetta var sam­tal þar sem var farið yfir málið og við feng­um inn­sýn í heild­ar­mynd­ina,“ sagði Þor­gerður Katrín.