Varaþingmaður Sam­fylk­ing­ar­inn­ar skutlaðist með heim­il­iss­orp í út­varps­húsið í Efsta­leiti í dag til að mót­mæla um­fjöll­un Rík­is­út­varps­ins um Ásthildi Lóu Þórs­dótt­ur, sem vék ný­lega úr embætti barna­málaráðherra.

Ráðherra fjöl­miðla seg­ir hegðun varaþing­manns­ins ósæm­andi.

Tón­list­armaður­inn Birg­ir Þór­ar­ins­son, eða Biggi Veira, birti mynd­skeið á Face­book í dag þar sem hann skil­ur rusl eft­ir á þjón­ustu­borði Rík­is­út­varps­ins í Efsta­leiti. 

„Nenn­irðu að skutla þessu niður á frétta­stofu. Þeir eru að bíða eft­ir þessu,“ heyr­ist í Bigga segja við starfs­mann á þjón­ustu­borðinu. Birg­ir er einnig þriðji varaþingmaður Sam­fylk­ing­ar­inn­ar í Reykja­vík­ur­kjör­dæmi suður.

„Þetta er óflokkað rusl,“ bæt­ir Birg­ir við.

Hann skrif­ar síðan í Face­book-færsl­unni að starfs­fólkið á Rúv vilji „ólmt fá meira“ og tek­ur fram að gróf­ari úr­gang­ur fari upp á Morg­un­blað.

Biggi hef­ur farið mik­inn á Face­book frá því að Rúv greindi frá gömlu ástar­sam­bandi Ásthild­ar Lóu við 16 ára dreng og barni þeirra sem fædd­ist 1990.

Hann hef­ur kallað eft­ir af­sögn­um „yf­ir­manna­keðju frétta­stofu Rúv í þessu máli, al­veg uppí út­varps­stjór­an sjálf­ann [sic]“.

Logi: Stjórn­mála­menn eigi ekki að ham­ast á fjöl­miðlum

Logi Ein­ars­son, menn­ing­ar-, ný­sköp­un­ar- og há­skólaráðherra og jafn­framt sam­flokksmaður Bigga, seg­ir slíka hegðun ekki sæm­andi. Hann seg­ir það aft­ur á móti ekki í sín­um verka­hring að ræða við varaþing­mann­inn.

„Mér finnst þetta ekki boðlegt hátt­ar­lag,“ seg­ir Logi í sam­tali við mbl.is en hann er jafn­framt ráðherra fjöl­miðlamála.

Frétt af mbl.is

Inga: „Fjöl­miðlar eigi bara að gera sitt besta“

Ekki sæm­andi að stjórn­mála­menn ham­ist á þeim

„Fjöl­miðlar leika mik­il­vægt lýðræðis­hlut­verk og aðhalds­hlut­verk í sam­fé­lag­inu og við verðum að trúa að þeir vinni á hlut­læg­an hátt og það er ekki sæm­andi að stjórn­mála­fólk sé að ham­ast á þeim,“ bæt­ir ráðherr­ann við.

Spurður hvort hann vísi þar einnig til um­mæla frá full­trú­um úr röðum Flokks fólks­ins svar­ar hann: „Ég hef gagn­rýnt um­mæli ráðherra og þing­manna um fjöl­miðla, já, nú og áður.“

Vís­ar hann þar til um­mæla Sig­ur­jóns Þórðar­son­ar, for­manns at­vinnu­vega­nefnd­ar Alþing­is og þing­manns Flokks fólks­ins, sem sagðist vilja end­ur­skoða rík­is­styrki til Morg­un­blaðsins í kjöl­far um­fjöll­un­ar blaðsins um ranga skrán­ingu Flokks fólks­ins og fram­göngu for­manns­ins.

Logi Ein­ars­son ráðherra. mbl.is/​Krist­inn Magnús­son

Seg­ir ekki í verka­hring að ræða við Veiruna

Að öðru leyti vildi Logi ekki tjá sig um ein­stök um­mæli þing­manna eða annarra kjör­inna full­trúa um fjöl­miðla þegar mbl.is ræddi við hann í dag. Þegar Ásthild­ur Lóa sagði af sér benti hún á að erfitt „fjöl­miðlaum­hverfi“ væri ein ástæða af­sagn­ar­inn­ar.

Biggi er varaþingmaður á hjá ykk­ur í Reykja­vík­ur­kjör­dæmi Suður. Kem­ur eitt­hvað til greina að þið hjá Sam­fylk­ing­unni ræðið við hann um þetta, þar sem það gæti verið að þessi maður sitji á þingi fyr­ir ykk­ar hönd?

„Það er bara ekki í mín­um verka­hring,“ svar­ar ráðherr­ann. „Ég get bara talað fyr­ir mig og mér finnst þetta bara ekki vera í lagi.“

Ekki náðist í Heiðar Örn Sig­urfinns­son, frétta­stjóra Rúv, við gerð frétt­ar.