Volodimír Selenskí, forseti Úkraínu, kallar eftir auknum þrýstingi Vesturlanda á Rússland. Kallar hann eftir hörðum aðgerðum sem geta brotið stríðsgetu Rússlands á bak aftur. Kerfis sem vilji ekkert annað en stríð.

Forsetinn segir viðskiptaþvinganir á Rússland nauðsynlegar og að allar harðar aðgerðir sem geti hjálpað.

Í færslu á X segir forsetinn frekara samstarf Vesturlanda við Úkraínu nauðsynlegt og kallar hann eftir frekari loftvörnum.

„Heimurinn veit að það er við Rússland að sakast“

Tiltekur hann þau landsvæði og borgir sem hafa orðið fyrir árásum í dag.

• Cherkasy-hérað: Árásir með drónum.
• Kherson-hérað: Árásir með fallbyssum og sprengjum.
• Donetsk-hérað: Árásir með skotflaugum, drónum og fallbyssum.
• Zaporizhzhia: Árásir með drónum.
• Dnipro-hérað: Árásir með skotflaugum og drónum.
• Sumy-hérað: Árásir með sprengjum og drónum.
• Kharkiv-hérað: Árásir með skotflaugum.

Frétt af mbl.is

Rússar skilji aðeins valdbeitingu

„Í nokkra vikur hefur legið tillaga fyrir frá Bandaríkjunum um óskilyrt vopnahlé. Á næstum hverjum degi koma rússneskir drónar, sprengjur falla og fallbyssuárásir eru gerðar á skotmörk í Úkraínu sem svar við tillögunni,“ segir Selenskí í myndbandsávarpi með færslunni.

Heimurinn veit að það er við Rússland að sakast. Það er sök Rússlands að stríðið hefur varað í allan þennan tíma.

Það þarf að setja Rússland undir pressu og tryggja þarf öryggi þeirra sem Rússland hefur ráðist á. Það eru Úkraínumenn og Evrópubúar. Það mun gerast. Dýrð sé Úkraínu.“