Bandaríska söngkonan Meghan Trainor geislaði af gleði og þokka er hún gekk niður rauða dregilinn í Inglewood í Kaliforníu á laugardag.

Trainor var viðstödd Billboard-verðlaun kvenna í tónlist og vakti mikla athygli á rauða dreglinum, þá helst vegna mikilla útlitsbreytinga, en söngkonan hefur grennst töluvert á síðustu mánuðum og gekkst einnig undir brjóstastækkun og brjóstalyftingu fyrr á árinu.

Söngkonan, sem er þekkt fyrir hreinskilni sína á samfélagsmiðlum, tjáði sig um hratt og skyndilegt þyngdartap sitt í færslu á Instagram-síðu sinni í gærdag eftir að hafa fengið ítrekaðar spurningar frá fréttamönnum sem vildu allir fá að vita leyndarmálið á bak við breytt útlit hennar.

Frétt af mbl.is

Meghan Trainor frumsýndi „ný brjóst“

Trainor viðurkenndi að þyngdartapið væri tilkomið, að einhverju leyti, vegna notkunar á þyngdarstjórnunarlyfinu Mounjaro en hún sagðist einnig hafa fengið góða hjálp frá næringarráðgjafa og þjálfara.

Frétt af mbl.is

„Ég var orðin 136 kíló og þurfti á hjálp að halda“

Mik­il aukn­ing hef­ur verið í notk­un lyfja á borð við Ozempic, Sax­enda, Mounjaro og Wegovy síðustu ár og hafa marg­ar Hollywood-stjörn­ur, þar á meðal Oprah Win­frey, Min­dy Kaling, Sharon Os­bour­ne, Josh Gad, Jonathan Van Ness, Whoopi Goldberg og Kelly Clarkson viður­kennt að hafa not­fært sér slík lyf til að grenn­ast.

Frétt af mbl.is

Hefur lést um 18 kíló með aðstoð þyngdarstjórnunarlyfja