Í laginu Bianca á nýjustu plötu rapparans Kanye West, WW3, syngur West um að eiginkona hans, Bianca Censori, hafi farið frá honum í kjölfar þess að hann fór hamförum á samfélagsmiðlum.

Rapparinn segir ástralska arkitektinn Censori hafa fengið kvíðakast yfir ógeðfelldum hatursfærslum sem hann hefur sent frá sér á miðlinum X.

Frétt af mbl.is

Kanye West ræðst á börn Jay Z og Beyoncé

Í laginu játar West einnig að hafa fylgst með staðsetningu Censori í gegnum Maybach-appið sitt. Hann beinir einnig spjótum sínum að fjölskyldu Censori sem hann segir að vilji sjá hann lokaðan inni.

Þá líkir hann sér og Censori við fyrrverandi parið Sean „Diddy“ Combs og Cassie Ventura, sem hættu saman 2018, en nýlega höfðaði Ventura málsókn á hendur Combes vegna nauðgunar og annars ofbeldis.

Frétt af mbl.is

Kanye West og Bianca Censori hvort í sína áttina

Page Six