Eldvirkni á Reykjanesskaga | 3. apríl 2025
Sigdalur myndaðist við Litla-Skógfell
Sigdalur myndaðist norðan við Litla-Skógfell á þriðjudag. Ný gögn úr gervitunglamyndum staðfesta þetta. Langur kvikugangur myndaðist á sama tíma og eldgos braust út á Sundhnúkagígaröðinni 1. apríl og teygir hann sig mun lengra í norðaustur heldur en eldri kvikugangar á svæðinu.
Sigdalur myndaðist við Litla-Skógfell
Eldvirkni á Reykjanesskaga | 3. apríl 2025
Setja bókamerki
Sigdalur myndaðist norðan við Litla-Skógfell á þriðjudag. Ný gögn úr gervitunglamyndum staðfesta þetta. Langur kvikugangur myndaðist á sama tíma og eldgos braust út á Sundhnúkagígaröðinni 1. apríl og teygir hann sig mun lengra í norðaustur heldur en eldri kvikugangar á svæðinu.
Sigdalur myndaðist norðan við Litla-Skógfell á þriðjudag. Ný gögn úr gervitunglamyndum staðfesta þetta. Langur kvikugangur myndaðist á sama tíma og eldgos braust út á Sundhnúkagígaröðinni 1. apríl og teygir hann sig mun lengra í norðaustur heldur en eldri kvikugangar á svæðinu.
Benedikt Gunnar Ófeigsson, fagstjóri aflögunarmælinga hjá Veðurstofu Íslands, segir sigdali myndast þegar kvikuinnskot verða, eins og við sjáum 10. nóvember 2023.
Ekki hægt að útiloka að hraun streymi upp
„Þetta er það sem gerist þegar þú færð svona kvikuinnskot. Kvikugangurinn í rauninni ýtir jarðskorpunni til hliðar sitt hvorum megin og þá sígur það sem er ofan á ganginum, sérstaklega þegar hann fer að grynnast,“ segir Benedikt.
Þá segir hann að grynnkað hafi á kvikunni. Nú sé kvika á um 1,5 kílómetra dýpt.
Hann segir nýja sigdalinn norðan við Litla-Skógfell ekki vera jafn djúpan og þá sigdali sem myndast hafa í Grindavík.
Aðspurður segir hann það ólíklegt að hraun muni streyma upp á staðnum en það sé þó ekki hægt að slá það af á meðan enn mælist skjálftavirkni.
„Það er ekki útilokað, við getum sagt það svo.“
Hann nefnir þó að virkni hafi hægt og rólega verið að minnka.
/frimg/1/56/13/1561324.jpg)
/frimg/1/55/95/1559597.jpg)
