Masoud Pezes­hki­an, for­seti Íran, rak vara­for­seta lands­ins sem hef­ur um­sjón með mál­efn­um þings­ins vegna ferðar hans til Suður­skauts­lands­ins. Íran glím­ir við óðaverðbólgu.

Shahram Dabiri deildi mynd af sér og eig­in­konu sinni nærri Plancius-skemmti­ferðaskip­inu á sam­fé­lags­miðlum í lok mars.

Skipið hef­ur boðið upp á lúx­us­ferðir til Suður­skauts­lands­ins frá ár­inu 2009. Átta daga ferð fyr­ir einn kost­ar um það bil 3.900 evr­ur, eða um 570 þúsund krón­ur. 

„Á tím­um er efna­hags­á­hyggj­ur þjóðar­inn­ar eru mikl­ar... eru dýr­ar tóm­stunda­ferðir emb­ætt­is­manna, jafn­vel þó þær séu greidd­ar úr eig­in vasa, ekki rétt­læt­an­leg­ar,“ sagði í yf­ir­lýs­ingu Pezes­hki­an for­seta um upp­sögn­ina. 

Dabiri er 64 ára gam­all lækn­ir að mennt og hef­ur verið ná­inn sam­starfsmaður for­set­ans. Hann var skipaður vara­for­seti í ág­úst. 

Rík­is­stjórn­in var harðlega gagn­rýnd eft­ir að Dabiri birti mynd­ina. Nokkr­ir stuðnings­menn for­set­ans hvöttu hann til þess að reka Dabiri. 

Rík­is­fjöl­miðill Íran greindi frá því í apríl að tals­menn Dai­biri sögðu mynd­ina hafa verið tekna áður en hann tók við embætti.