Fyrstu tollaaðgerðir Trumps tóku gildi á laug­ar­dag þar sem flestall­ar inn­flutt­ar vör­ur til Banda­ríkj­anna sæta nú 10% lág­mark­s­tolli, þar á meðal vör­ur frá Íslandi. Á miðviku­dag taka enn hærri toll­ar gildi fyr­ir 60 viðskipta­ríki lands­ins líkt og lönd Evr­ópu­sam­bands­ins, Jap­an og Kína.

Jó­hann­es seg­ir að ekki sé vitað ná­kvæm­lega hvaða áhrif tolla­setn­ing­in muni hafa á ferðahegðun Banda­ríkj­anna. Hann seg­ir að enn séum við að sjá ferðir banda­rískra ferðamanna sem voru bókaðar áður en Trump tók við völd­um í Hvíta hús­inu. Áhrif­in gætu farið að sýna sig seinni­hluta sum­ars og inn í haustið.

„Við sjá­um merki þess að það muni hafa áhrif til fækk­un­ar. Við sjá­um í gögn­um um kaup á ferðaþjón­ustu í heim­in­um að Banda­ríkja­menn eru að halda aft­ur af sér og bíða og sjá. Ég held að við get­um gert ráð fyr­ir því að ferðalög Banda­ríkja­manna muni minnka í haust ef ekk­ert breyt­ist í þessu eða þetta vind­ur upp á sig,” seg­ir Jó­hann­es.

Banda­rísk­ir ferðamenn eru um þriðjung­ur ferðamanna sem koma til lands­ins ár­lega og eru rúm­lega þriðjung­ur af verðmæta­sköp­un ferðaþjón­ust­unn­ar. Jó­hann­es seg­ir að muni banda­rísk­um ferðamönn­um fækka er það fljótt að hafa áhrif á heild­ar­verðmæt­in í ferðaþjón­ustu á Íslandi.

Nán­ari um­fjöll­un má finna í Morg­un­blaðinu í dag. Einnig má nálg­ast hana án end­ur­gjalds í Mogg­an­um, nýju appi Morg­un­blaðsins og mbl.is.