Hönn­un­ar­stúd­íóið Studio Miklo opnaði sýn­ing­una Brot á Hönn­un­ar­Mars í versl­un ís­lensku hönnuðanna Magneu Ein­ars­dótt­ur og Anitu Hirlek­ar á Hafn­ar­torgi. Á bak við Studio Miklo eru kera­mik­hönnuðirn­ir Helga Björk Ottós­dótt­ir og Hjör­dís Gests­dótt­ir og sýndu þær til­raun­ir sýn­ar við að end­ur­nýta gallaðar leir­vör­ur úr eig­in smiðju.

Útkom­an og ferlið voru til sýn­is í versl­un­inni yfir helg­ina en mark­miðið er að nýta það sem fell­ur til við fram­leiðslu á eig­in vör­um í leit að sjálf­bær­ara fram­leiðslu­ferli.

Versl­un fata­hönnuðanna Magneu og Anitu opnaði í fyrra og hafa þær vakið mikla at­hygli und­an­farið við að klæða marg­ar af þekkt­ustu kon­um lands­ins. Þar má nefna Höllu Tóm­as­dótt­ur for­seta Íslands sem hef­ur sótt mikið í prjóna­vör­ur Magneu og kjóla frá Anitu.