Ísrael/Palestína | 12. apríl 2025
Íbúum fyrirskipað að yfirgefa borg sína
Ísraelsher hefur lagt undir sig svæði sem skilur að borgirnar Rafah og Khan Yunis á Gasasvæðinu. Herinn hyggst nú útvíkka og auka hernaðaraðgerðir sínar og hefur fyrirskipað tugþúsundum íbúa Khan Yunis að yfirgefa borgina.
Íbúum fyrirskipað að yfirgefa borg sína
Ísrael/Palestína | 12. apríl 2025
Setja bókamerki
Ísraelsher hefur lagt undir sig svæði sem skilur að borgirnar Rafah og Khan Yunis á Gasasvæðinu. Herinn hyggst nú útvíkka og auka hernaðaraðgerðir sínar og hefur fyrirskipað tugþúsundum íbúa Khan Yunis að yfirgefa borgina.
Ísraelsher hefur lagt undir sig svæði sem skilur að borgirnar Rafah og Khan Yunis á Gasasvæðinu. Herinn hyggst nú útvíkka og auka hernaðaraðgerðir sínar og hefur fyrirskipað tugþúsundum íbúa Khan Yunis að yfirgefa borgina.
Þetta kemur fram í yfirlýsingu frá Israel Katz, varnarmálaráðherra Ísraels.
„Eina leiðin til að binda endi á stríðið“
„Nú er tíminn til að rísa upp, fjarlægja Hamas og frelsa alla ísraelsku gíslana,“ segir Katz í yfirlýsingunni.
„Þetta er eina leiðin til að binda enda á stríðið.“
Katz greindi einnig frá því að herinn væri að taka yfir nokkur svæði í norðurhluta Gasa.
Yfirlýsing hans kom á sama tíma og embættismaður Hamas-samtakanna sagði í samtali við AFP-fréttaveituna að samtökin ættu von á framförum í viðræðum um vopnahlé.
Aðeins örfáum klukkustundum síðar birtu Hamas-samtökin myndskeið sem sýnir Edan Alexander, 21 árs gísl í haldi samtakanna, þar sem hann er á lífi og gagnrýnir Benjamín Netanjahú og ísraelsku ríkisstjórnina.
