Í lok síðustu viku var Fiski­stofa búin að veita fleiri en 300 strand­veiðileyfi vegna veiða sum­ars­ins, e aðeins hafði verið opið fyr­ir skrán­ingu í tvo sól­ar­hringa.

Þetta kem­ur fram í til­kynn­ingu á Face­book-síðu stofn­un­ar­inn­ar og seg­ir þar að alls höfðu borist um 400 um­sókn­ir um strand­veiðileyfi. At­hygli vek­ur að opnað var fyr­ir um­sókn­ir um há­degi miðviku­dag í síðustu viku, en frest­ur renn­ur ekki út fyrr en 22. apríl.

Frétt af mbl.is

Ef­ast ekki um 48 daga til strand­veiða

Fá all­ir 400 bát­arn­ir leyfi sem hafa sótt um eru það meira en helm­ing­ur þess fjölda sem fengu leyfi vegna strand­veiða á síðasta ári. Þá fengu 764 út­gef­in strand­veiðileyfi en 756 bát­ar sóttu afla á grund­velli strand­veiðileyf­is.

Bú­ast má við því að fleiri um­sókn­ir ber­ist Fiski­stofu á kom­andi dög­um, en nýj­ar regl­ur gilda um veiðarn­ar sem gæti gert það að verk­um að bát­um fækki milli ára. Fyr­ir­heit rík­is­stjórn­ar­inn­ar um að öll­um bát­um verði tryggðir 48 veiðidag­ar í sum­ar er þó talið að auka hvata til þátt­töku í veiðunum og því óljóst hve mörg leyfi verða gef­in út.

Frétt af mbl.is

Legg­ur til hert skil­yrði til strand­veiða

Eig­end­ur með meira en 50%

Sam­kvæmt nýju reglu­gerðinni um strand­veiðar þarf einn ein­stak­ling­ur að eiga beint eða óbeint meira en 50% hlut í bát sem gerður er út á strand­veiðar. Jafn­framt þarf sá sem á meira en 50% í bátn­um að vera lög­skráður á bát­inn og um borð í hverri veiðiferð.

„Í ljósi þess hversu seint reglu­gerðin kom út verður hægt að sækja um strand­veiðileyfi fyr­ir þetta strand­veiðitíma­bil þó svo skil­yrði um eign­ar­hald og haf­færi séu ekki upp­fyllt,“ seg­ir í til­kynn­ingu á vef Fiski­stofu. Bent er þó á að leyfi verði ekki gefið út fyrr en skil­yrði hafa verið upp­fyllt.

Breyt­ing­in hef­ur verið um­deild og hafa gagn­rýn­end­ur henn­ar bent á að þetta setji í upp­nám út­gerð strand­veiðibáta sem vin­ir, hjón eða fólk tengt fjöl­skyldu­bönd­um gera út í sam­ein­ingu. Stuðnings­menn breyt­ing­anna hafa hins veg­ar fagnað því að tekið sé fyr­ir út­gerð strand­veiðibáta sem eig­end­ur róa ekki sjálf­ur held­ur greiði öðrum fyr­ir að sinna út­gerðinni, sem sagt er stríða gegn til­gangi strand­veiðikerf­is­ins.

Frétt af mbl.is

Vilja und­anþágur frá reglu­gerð ráðherra