Melinda Gates skildi við eig­in­mann sinn til 27 ára og stofn­anda Microsoft, Bill Gates, fyr­ir fjór­um árum síðan. Á mánu­dag­inn opnaði hún sig um skilnaðinn í viðtalsþætt­in­um The Late Show with Stephen Col­bert.

„Ég lærði, þú veist, að eiga traust sam­band – sem er það sem ég vildi í hjóna­bandi – báðir aðilar verða að vera heiðarleg­ir við hvorn ann­an,“ var meðal þess sem hún sagði í þætt­in­um.

„Og ef þú hef­ur það ekki, þá get­urðu ekki fengið nánd og þú get­ur ekki treyst. Þannig að á end­an­um varð ég að fara.“

Frétt af mbl.is

Bill Gates er kom­inn með kær­ustu

Ósátt við tengsl­in við Jef­frey Ep­stein

Þegar hún var spurð um hvort hún væri að hitta ein­hvern ann­an stokkroðnaði hún og svaraði því ját­andi. Hún ræddi þó ekki sam­bandið neitt frek­ar en vef­miðill­inn Page Six staðfesti á síðasta ári að hún ætti í sam­bandi við viðskipta­mó­gúl­inn Phil­ip Vaug­hn.

Melinda, sem er sex­tug, hef­ur áður sagt frá því að hún skildi við Bill vegna ótryggðar hans og tengsla hans við auðkýf­ing­inn og kyn­ferðis­brota­mann­inn Jef­frey Ep­stein. Bill viður­kenndi síðar að sam­skipti þeirra Jef­freys, sem framdi sjálfs­víg í fang­elsi 2019, hafi verið mis­tök.

Bill er stofn­andi Microsoft og þrett­ándi rík­asti maður heims sam­kvæmt lista For­bes. Árið 2021 kom fram í fjöl­miðlum að hann hefði átt í ástar­sam­bandi við starfs­mann Microsoft. Árið eft­ir viður­kenndi hann að hafa gert „mis­tök“ í hjóna­bandi sínu.

Skilnaður þeirra Bill og Melindu hef­ur aft­ur ratað í frétt­irn­ar vegna bók­ar­inn­ar The Next Day sem Melinda skrifaði um sam­bands­slit­in. Hún hef­ur m.a. sagt skilnaðinn „erfiðustu“ en um leið „mik­il­væg­ustu“ ákvörðun sem hún hafi tekið í líf­inu.

Page Six