Þrátt fyr­ir mik­il veik­indi síðustu vik­ur vegna lungna­bólgu hafa ít­alsk­ir miðlar eft­ir heim­ild­ar­mönn­um að Frans páfi hafi dáið sök­um heila­blóðfalls.

Matteo Bruni, talsmaður Vatík­ans­ins, seg­ir að dánar­or­sök­in verði að lík­ind­um gerð kunn í kvöld. 

Sam­kvæmt heim­ild­ar­mönn­um ANSA-frétta­stof­unn­ar þá er talið að páfinn hafi lát­ist vegna heila­blóðfalls.

Frétt af mbl.is

Frans páfi er lát­inn

Ítalski miðill Corri­ere della Sera geng­ur enn lengra og kveðst hafa eft­ir heim­ild­ar­mönn­um að búið sé að staðfesta að hann hafi lát­ist vegna heila­blóðfalls.

Á hann að hafa vaknað klukk­an sex að staðar­tíma í morg­un og verið í þokka­legu ástandi.

Klukk­an sjö missti hann meðvit­und og hálfri klukku­stund síðar, ná­kvæm­lega klukk­an 7.35 [5.35 að ís­lensk­um tíma], var and­lát hans til­kynnt.