Flóttafólk á Íslandi | 22. apríl 2025
Hyggst ekkert segja um mál Oscars
Dómsmálaráðherra hyggst ekki tjá sig um mál 17 ára kólumbíska drengsins sem vísa á að óbreyttu úr landi, að sögn aðstoðarmanns.
Hyggst ekkert segja um mál Oscars
Flóttafólk á Íslandi | 22. apríl 2025
Setja bókamerki
Dómsmálaráðherra hyggst ekki tjá sig um mál 17 ára kólumbíska drengsins sem vísa á að óbreyttu úr landi, að sögn aðstoðarmanns.
Dómsmálaráðherra hyggst ekki tjá sig um mál 17 ára kólumbíska drengsins sem vísa á að óbreyttu úr landi, að sögn aðstoðarmanns.
Tugir manns mótmæltu fyrir utan dómsmálaráðuneytið í morgun brottvísun hins 17 ára Oscars Anders Florez Bocanegra en að óbreyttu verður honum vísað til Kólumbíu í dag. Oscar flúði til Íslands með föður sínum árið 2022.
Faðir Oscars er sagður hafa beitt hann ofbeldi og hafa afsalað sér forræði yfir piltinum.
Í október 2024 var Oscar sendur úr landi með föður sínum eftir að þeir fengu synjun. Faðir Oscars er sagður hafa yfirgefið hann við komuna í Kólumbíu, og því endaði Oscar einn á götunni í Bogotá, þar sem hann var í mánuð áður en fósturfjölskyldan sótti hann og kom honum aftur til Íslands.
Nú á að vísa honum aftur úr landi, þar sem honum var synjað um málsmeðferð hér á landi á grundvelli endurtekinnar umsóknar.
„Málið er enn þá undir kærufresti,“ segir Jakob Birgisson, aðstoðarmaður Þorbjargar Sigríðar Gunnlaugsdóttur dómsmálaráðherra, í samtali við mbl.is. „Hún hefur ekkert afskipti af einstökum málum sem eru enn þá í vinnslu.“
Aðstandendur Oscars hafa kært ákvörðunina en það frestar ekki endilega réttaráhrifum. Frestur Oscars til að fara sjálfur úr landi rennur því út í dag. Lögmaður piltsins telur að aðstæður hans séu aðrar nú.
/frimg/1/54/14/1541441.jpg)