Jón Gunn­ar Benja­míns­son er að flytja inn nýja teg­und af far­ar­tæki sem hent­ar vel fötluðum og öðrum þeim sem eiga við hreyfi­höml­un að stríða. Léttt­or­færu­hjólið er hannað af norsk­um verk­fræðingi sem á lamaða konu. Hon­um fannst af­leitt að hún gæti ekki kom­ist með fjöl­skyld­unni í þá úti­vist sem Norðmönn­um er svo í blóð bor­in.

Tækið opn­ar á nýja mögu­leika Jón Gunn­ar og í sum­ar ráðger­ir hann að end­ur­nýja kynni við úti­vistarperl­ur sem hann hef­ur ekki getað heim­sótt frá því að hann lamaðist í bíl­slysi.

Jón Gunn­ar fór ferð um Suður­land ný­lega og prófaði Exoquad við ýms­ar aðstæður. Þessi mynd var tek­in við Skóga­foss í þeim leiðangri. Ljós­mynd/​Rún­ar Hroði

Exoquad heit­ir far­ar­tækið sem knúið raf­magni og mun létt­ara en sam­bæri­leg tæki sem hugsuð eru meðal ann­ars til akst­urs utan hefðbund­inna slóða.

Ferðinni heitið í Hofstaðaey

Jón Gunn­ar er mik­ill veiðiá­hugamaður og fram að slys­inu 2007 sner­ist líf hans að stór­um hluta um hvers kyns veiðiskap. Eins og gef­ur að skilja breytt­ist það líf á einu auga­bragði. Nú þegar vor­ar er fiðring­ur í Jóni Gunn­ari. Hann stefn­ir á fara á sitt upp­á­halds veiðisvæði en það er Hofstaðaey í Laxá í Mý­vatns­sveit.

Svo er þetta bara spurn­ing um hverju menn eru að leita eft­ir. Hér er græj­an tek­in til kost­ana. Eng­in um­merki voru eft­ir þetta stökk enda hjólið létt. Ljós­mynd/​Rún­ar Hroði

Með gas­demp­ur­um og drifi á öll­um hjól­um opn­ar þetta hjól nýja mögu­leika. Eins og staðan er í dag taka Sjúkra­trygg­ing­ar ekki þátt í kostnaði við kaup á Exoquad. Unnið er að því í Nor­egi að fá tækið viður­kennt hjá op­in­ber­um aðilum sem gæti breytt þeirri stöðu. Það er hins veg­ar ekki að fara að ger­ast á morg­un, seg­ir Jón Gunn­ar.

End­ur­greidd­ur virðis­auka­skatt­ur

Sá fyrsti sem keypti græj­una hér á landi, af Jóni Gunn­ari lét reyna á svör frá Sjúkra­trygg­ing­um og fékk nei eins við var bú­ist. Hann sendi hins veg­ar er­indi til fjár­málaráðuneyt­is­ins og það leiddi til end­ur­greiðslu á virðis­auka­skatti á þeim for­send­um að þetta væri íþrótta­búnaður, upp­lýs­ir Jón Gunn­ar. Þar er um ræða veru­leg­ar fjár­hæðir eða rúm­lega hálfa millj­ón og jafn­vel meira ef keypt er hjól með öll­um búnaði.

Exoquad kost­ar tæp­ar þrjár millj­ón­ir og upp í tæp­ar fimm millj­ón­ir eft­ir út­færsl­um. Jón Gunn­ar er vongóður um að í framtíðinni muni Sjúkra­trygg­ing­ar taka þátt í kaup­um á þess­um búnaði eins og er með far­ar­tæk­in sem stund­um eru kallaðar ell­inöðrur, seg­ir Jón Gunn­ar í gam­an­söm­um tón.

Jón Gunn­ar lamaðist haustið 2007. Nú átján árum síðar er hann að fara að vitja veiðistaða sem hann var bú­inn að af­skrifa. Ljós­mynd/​Rún­ar Hroði

Hann er gest­ur Dag­mála Morg­un­blaðsins í dag og seg­ir þar sína sögu frá slys­inu og fram til dags­ins í dag. Hann var staðráðinn í að kom­ast aft­ur út í lífið og öðlast styrk til að gera sem flesta hluti. Exoquad er liður í þeirri veg­ferð hans. Með frétt­inni fylg­ir hluti viðtals­ins þar sem Jón Gunn­ar ræðir nýja „töfra­teppið“ og sjá má mynd­ir af hon­um á ferð um Suður­land. Þátt­ur­inn í heild sinni er aðgengi­leg­ur fyr­ir áskrif­end­ur Morg­un­blaðsins. Hlekk­ur á þátt­inn er hér að neðan.

Aft­ur á vit æv­in­týra eft­ir 18 ár