Hin 18 ára gamla Fiona Eve, dótt­ir banda­rísku leik­kon­unn­ar Jennie Garth, sem er þús­ald­arkyn­slóðinni vel kunn, og fyrr­ver­andi eig­in­manns henn­ar, leik­ar­ans Peter Fac­inelli, þykir slá­andi lík móður sinni.

Garth, sem gerði garðinn fræg­an í ung­lingaþáttaröðinni Bever­ly Hills, 90210, á ár­un­um 1990 til 2000, deildi fal­leg­um ljós­mynd­um af þeim mæðgum sem tekn­ar voru fyr­ir World’s Most Beautif­ul-tölu­blað tísku­tíma­rits­ins People á In­sta­gram-síðu sinni í fyrra­dag.

Færsl­an vakti fljótt mikla at­hygli net­verja, enda eru mæðgurn­ar nauðalík­ar í út­liti.

Marg­ir rituðu at­huga­semd­ir við mynd­irn­ar og minnt­ust á lík­indi mæðgn­anna, en flest­ir voru sam­mála um að stúlk­an væri eins og snýtt út úr nefi móður sinn­ar. Nokkr­ir voru þó ósam­mála og sögðu stúlk­una vera mun lík­ari föður sín­um. 

Garth og Fac­inelli, einna þekkt­ast­ur fyr­ir hlut­verk sitt í Twilig­ht-serí­unni, voru gift á ár­un­um 2001 til 2013 og eiga þrjár upp­komn­ar dæt­ur á ald­urs­bil­inu 18 til 27 ára.