Kanadíska popp­stjarn­an Just­in Bie­ber er nú stadd­ur hér á landi. Ef marka má In­sta­gram-síðu hans dvel­ur hann á sveita­setr­inu Depl­ar Farm í Fljót­un­um á Trölla­skaga þar sem hann vinn­ur hörðum hönd­um að nýrri breiðskífu.

Bie­ber hef­ur deilt tveim­ur færsl­um sem gefa inn­sýn í heim­sókn hans, en báðar birt­ust þær á sam­fé­lags­miðlasíðunni seint í gær.

Bie­ber, sem er hvað þekkt­ast­ur fyr­ir lagasmelli á borð við Baby, Sorry og Some­bo­dy to Love, birti meðal ann­ars mynd­ir af sér í heit­um potti, að spila borðtenn­is og í upp­töku­veri.

Frétt af mbl.is

„Ísland, ég elska þig“

Bie­ber er mjög hrif­inn af landi og þjóð, en hingað hef­ur hann ferðast oft­ar en einu sinni. Hann tók upp tón­list­ar­mynd­band við lagið I'll Show You árið 2015 og sneri aft­ur tæpu ári síðar og hélt tvenna tón­leika í Kórn­um í Kópa­vogi.